Դատարանը մերժել է ԶՊՄԿ֊ից հեռացված աշխատակիցների վերականգնման հայցը
2025 թվականի փետրվար ամսվա սկզբին ապօրինի գործողություններով «Զանգեզուրի պղնձամոլիբդենային կոմբինատ» ՓԲԸ-ի բնականոն աշխատանքը խաթարած, Ընկերությանը սաբոտաժի ենթարկած մի շարք նախկին աշխատողների հայցերով ՀՀ Սյունիքի մարզի ընդհանուր իրավասության դատարանը կայացրել է վճիռներ: Դատարանը տարբեր դատավորների նախագահությամբ արձանագրել է, որ վերոգրյալ աշխատողների գործողությունները եղել են անօրինական, խոչընդոտել են ընկերության բնականոն գործունեությանը և այդ անօրինական գործողություններով նշված անձինք Ընկերությանը պատճառել են զգալի վնասներ, ինչը նշված նախկին աշխատողների նկատմամբ վստահության կորստի հիմք է հանդիսացել։
Ծավալուն դատաքննության արդյունքում դատավորները եկել են այն եզրահանգման, որ նշված նախկին աշխատողների անօրինական գործողություններով պայմանավորված նրանց աշխատանքից ազատելով Ընկերությունը հետապնդել է իրավաչափ նպատակ՝ պաշտպանելու ինչպես Ընկերության, այնպես էլ մյուս աշխատողների իրավունքները և օրինական շահերը։
Թեև վիճարկված ազատման հրամանները անվավեր են ճանաչվել ըստ դատարանի՝ աշխատանքից ազատման գործընթացի վերաբերյալ օրենսդրության որոշ ձևական և ընթացակարգային պահանջներ չպահպանելու հիմքով, սակայն բովանդակային առումով դատարանը, ըստ էության վճիռներով հաստատել է վերոգրյալ աշխատողների հետ աշխատանքային պայմանագրերը լուծելու Ընկերության որոշումը և դրա հիմնավորվածությունը, ինչպես նաև համարել է, որ նշված նախկին աշխատողները այլևս չեն կարող վերականգնվել Ընկերությունում աշխատանքի։
Նկատի ունենալով, որ վճիռների վերջնարդյունքը նույնական է ընկերության հետապնդած նպատակի հետ, Ընկերությունը որոշել է չվիճարկել Դատարանի նշված վճիռները և կատարել է դրանք ամբողջությամբ:
Ընկերությունը հաստատում է, որ հետևողականորեն շարունակելու է պաշտպանել իր իրավունքները և օրինական շահերը հարուցված քրեական գործերի և Ընկերության կողմից ներկայացված քաղաքացիական հայցերի շրջանակներում:
«Սարսափ ու խայտառակություն․ ասեմ՝ ինչից հետո են բանակում անընդհատ մահեր լինում»․ պահեստազորի սպա
Նոյեմբերի 3/4-ին 36 ժամ ջուր չի լինելու
Աշխարհաքաղաքական «սեյսմիկ» տեղաշարժերն ու տնտեսական, էներգետիկ, ռազմական ռիսկերը. «Փաստ»
«Մի քանի համայնքում տեղի ունեցած ընտրությունների արդյունքները չի կարելի ուղենիշ համարել քաղաքական վա...
Իշխանական «ցանցը» պետական ապարատում. ում մերձավորներն են ստացել ազդեցիկ պաշտոններ և միլիոններով աշխա...
Առանց Խաղաղության համաձայնագրի` TRIPP-ի իրականացումը վտանգում է Հայաստանը. Տիգրան Աբրահամյան
Հայ ժողովուրդը դեմ է Ալիևի պահանջով սահմանադրության փոփոխությանը. Ուժեղ Հայաստան
Մեր սահմանները պաշտպանելու համար բոլոր միջոցները կիրառել․ Արշակ Կարապետյանի հրամանը՝ 2021-ից
«Ջախջախիչ հաղթանակ» դատարկ ռինգում. Ստեփանավանի ընտրությունները՝ հակակոռուպցիոնի «սոուսով». «Փաստ»
«Ուժեղ Հայաստան» խմբակցության ղեկավար Նարեկ Կարապետյանը է Սիսիանի Շաքի համայնքում ադրբեջանցու կրակոց...