Շվեյցարիան երկաթուղին վերածում է արևային էներգիայի աղբյուրի

Շվեյցարիայում փորձարկվում է Sun-Ways ստարտափի մշակած համակարգը, որը թույլ է տալիս արագ տեղադրել և ապամոնտաժել արևային վահանակներ երկաթուղային գծերի միջև։ Այս «հեղափոխական» տեխնոլոգիան արդեն գրավել է բազմաթիվ արտասահմանյան երկրների ուշադրությունը։

Գաղափարը ծնվել է Ջոզեֆ Սկուդերիի մոտ 2020 թվականին, երբ նա Լոզանից արևմուտք գտնվող Ռենեն կայարանում սպասում էր գնացքին։ Նա մտածել է՝ ինչո՞ւ չօգտագործել երկաթուղային ռելսերի միջև ընկած չօգտագործված տարածքը էլեկտրաէներգիա արտադրելու համար։ Հինգ տարի անց Ջ. Սկուդերին իր Sun-Ways ստարտափով Նևշատել կանտոնի Բյութ փոքր բնակավայրում երկաթուղային գծերի վրա տեղադրել է առաջին 100 մետր արևային վահանակները։

«Մենք տեղադրել ենք արևային վահանակներ, ինչպես սովորաբար անում են տան տանիքին», – ասել է Ջ. Սկուդերին նախագծի շնորհանդեսին։ Չնայած այդ օրը հորդառատ անձրևի պատճառով պայմանները հեռու էին իդեալական լինելուց արևային էլեկտրակայան գործարկելու համար, Սկուդերին գոհ էր։ Նրա խոսքով՝ նախագծի այս փուլին հասնելն արդեն իսկ «հրաշք» էր։

Սա առաջին դեպքը չէ, երբ արևային տարրերն ինտեգրվում են երկաթուղային ենթակառուցվածքներին։ Գերմանիայում, Իտալիայում, Ֆրանսիայում և Ճապոնիայում արդեն փորձարկվում են ռելսերի միջև տեղադրված արևային վահանակներ։ Սակայն շվեյցարական ստարտափը առաջինն է, որ մշակել է շարժական և հեշտությամբ ապամոնտաժվող համակարգ։

Sun-Ways ստարտափը, օգտագործելով ռելսերի միջև ընկած ընդարձակ չօգտագործված տարածքները, ձգտում է «հեղափոխություն մտցնել ֆոտովոլտային էներգիայի արտադրության մեջ»։ Բյութում տեղադրված համակարգը բաղկացած է 48 արևային վահանակներից, որոնք տեղադրված են ռելսերի միջև՝ երկաթուղային կոճերի վրա։ Վահանակները կարող են տեղադրվել ձեռքով կամ մեխանիկորեն՝ օգտագործելով Շվեյցարիայի Scheuchzer ընկերության կողմից մշակված մեքենա, որը մասնագիտացած է երկաթուղային գծերի սպասարկման մեջ։ Այդ մեքենան ընդամենը մի քանի ժամում կարող է տեղադրել կամ ապամոնտաժել մոտ 1000 քառակուսի մետր արևային վահանակ։

Հայաստանում արևային պանելներ արտադրող առաջին և միակ ընկերությունը Սոլարոնն է։

Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]