Իսկ ի՞նչ է ուզում հանրությունը. «Փաստ»
«Փաստ» օրաթերթը գրում է.
Ակնհայտ է, որ երկիրը մտնում է նախընտրական զարգացումների փուլ: Ճիշտ է, չի կարելի բացառել (մանավանդ, մեր իրականությունը նկատի ունենալով), որ կարող են լինել արտահերթ ընտրություններ, ավելին, ինչպես առիթ ունեցել ենք նշել, այդ թեման դեռ փակված չէ, բայց դա էական չէ: Արտահերթ թե հերթական՝ էականն այն է, որ առաջիկա ընտրությունները որոշակիորեն տարբերվելու են նախորդներից, առնվազն՝ հանրության ակնկալիքների և ընկալումների առումով:
Ընդհանուր տպավորությունն այն է, որ մարդիկ հասցրել են հոգնել տարատեսակ պաթետիկ, վերացական հայտարարություններից, դատարկ պոպուլիզմից ու զանազան առասպելներից: Սա ոչ մեկ անգամ «Փաստի» հետ զրույցում արձանագրել են նաև տարբեր քաղաքագետներ, վերլուծաբաններ ու քաղաքական գործիչներ: Ավելին, նախորդած ժամանակահատվածը, ու ոչ միայն ընտրությունները, պարզորոշ ցույց տվեցին, որ ընտրողների ճնշող մեծամասնությունը ակնկալում է կոնկրետ իր «հողեղեն» խնդիրների լուծումը, իր սոցիալ-տնտեսական վիճակին ուղղակիորեն առնչվող հարցերը, որոնք իրենց հերթին, իհարկե, ունեն նաև անվտանգային բաղադրիչ: Այսինքն, մարդիկ ոչ թե անտարբեր են քաղաքականության, անվտանգության հարցերի նկատմամբ, այլ ցանկանում են լսել, տեսնել կոնկրետ տնտեսական լուծումներ, որոնք կարող են ապահովել նաև անվտանգային խնդիրներ: Իսկ որ նաև տնտեսական ու սոցիալական առումով են բացասական երևույթները անցած 7 տարիներին՝ փաշինյանական իշխանավարման շրջանում ավելացել ու խորացել, ակնհայտ է: Այդ թվում՝ գործազրկությունը, աղքատությունը, սոցիալական անարդարությունը և այլն:
Այդ տեսանկյունից ակնհայտ է, որ կարող են հաջողել այն ուժերը , որոնք ավելի «հողեղեն» մոտեցում կունենան, հաշվի կառնեն նաև տնտեսական ու սոցիալական խնդիրները: Բայց էլի՝ ոչ թե պոպուլիստական հռետորաբանությամբ հանդես կգան, այլ առարկայական ծրագրերով ու առաջարկություններով: Մի խոսքով՝ կոնկրետությամբ:
Այդ տեսանկյունից բավականին ուշագրավ են բարերար, գործարար և հանիրավի քաղաքական հետապնդման ենթարկվող Սամվել Կարապետյանի ու նրա թիմի մոտեցումները: Մասնավորապես նախօրեին տարածված նրա հերթական «բանտային թեզիսներում», ինչպես նախորդ նման հայտարարությունների դեպքում, նկատել ի են հստակ ընկալումները այն ամենի, ինչի մասին վերը նշեցինք:
Սամվել Կարապետյանի վերջին անդրադարձի թեման գործազրկությունն է ու աշխատունակ մարդկանց զբաղվածության ապահովման խնդիրը: «Մարդիկ փաստացի զրկվել են լավ կյանքի մասին նույնիսկ երազելու կարողությունից: Այսօրվա նման իրականության միակ պատասխանատուն այս իշխանությունն է՝ մեր ժողովրդի համար արժանապատիվ հնարավորություններ չստեղծելով, հուսահատեցնելով, բարեկեցիկ ապագայի նկատմամբ հավատը կոտրելով»,նշում է նա:
Միևնույն ժամանակ, կարևոր է Սամվել Կարապետյանի վստահությունը, որ չնայած առկա ծանրագույն պայմաններին՝ իրենք կարող են շատ արագ ապահովել անհրաժեշտ ու կոնկրետ լուծումներ՝ ուղղված մեր ժողովրդի բարեկեցությանը:
Նա առանձնահատուկ շեշտ է դնում միջազգային խոշոր ներդրողների ներգրավման վրա՝ արտադրական հզորություններ գործարկելու, թիրախային պետական աջակցության ծրագրերով տեղական բիզնեսը խթանելու, գյուղատնտեսական բարեփոխումների, մասնավորապես՝ բերքի մթերման ոլորտի զարգացման վրա այն առումով, որ գյուղացին կարողանա վերջապես շահույթ ստանալ:
Առակներս ի՞նչ կցուցանեն: Իսկ այն կցուն անեն, որ սա կոնկր ե տ օրինակ է, ինչպես վերը նշեցինք, շատերին հուզող կենսական խնդիրներին հողեղեն վերաբերմունք դրսևորելու առումով: Ընդորում՝ հստակ, ծրագրային մոտեցումներով, բայց և հասկանալի:
Մանրամասները՝ «Փաստ» օրաթերթի այսօրվա համարում
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը