Ինչո՞ւ է նոր քրեական վարույթ նախաձեռնվել պաշտպանության նախկին նախարարի նկատմամբ. «Փաստ»
«Փաստ» օրաթերթը գրում է.
Մենք տեղեկություններ էինք ստացել, որ նոր քրեական վարույթ է նախաձեռնվել պաշտպանության նախկին նախարար, գեներալ-մայոր Արշակ Կարապետյանի դեմ: Երեկ մենք հեռախոսազրույց ունեցանք Արշակ Կարապետյանի հետ՝ խնդրելով նշել, թե ինչի մասին է խոսքը: Նա հաստատեց այս տեղեկությունը և ասաց, որ պատճառը թե՛ իր քաղաքական ակտիվությունն է ու սուր քննադատությունները Նիկոլ Փաշինյանի հասցեին, թե՛ դեռ իր պաշտպանության եղած նախարար ժամանակ արված քայլերը, որոնք նա «չի մարսում»:
«Պատկերացնո՞ւմ եք զավեշտի աստիճանը, ինձ վրա քրեական գործ են նկարել նրա համար, որ ես, լինելով պաշտպանության նախարար, գնացել եմ Արցախ: Եթե 2021 թվականին Արցախ գնալն ապօրինություն է համարվում, Արցախն ապօրինի տարածք է համարվում, բա 2019 թվականին որ Նիկոլը Քոչարի էր պարում Շուշիում կամ որ Ստեփանակերտում գոռում էր «Արցախը Հայաստան է և վերջ», այն ժամանակ ապօրինի՞ չէր: Հասկանո՞ւմ եք սրանց աբսուրդի աստիճանը, անհեթեթության աստիճանը: Բայց թող Նիկոլը լավ լսի, թող իմանա՝ ես հպարտ եմ, որ գնացել եմ Արցախ, ու վստահ եմ, որ էլի առիթ ունենալու եմ գնալու Արցախ: Ավելին, քրգործերի այս «նկարիչներին», իր գլխավորությամբ, բռնելու ենք ու Արցախում եկեղեցու առջև չոքացնենք»,- մեզ հետ զրույցում ասաց Կարապետյանը:
Մեր զրուցակիցը նաև հավելեց, որ այս իշխանությունները չեն ներվելու. «Իրենց թվում է՝ ներվելո՞ւ են: Ոչ մի դեպքում: Գեներալ Կարապետյանը չի ներելու և պատժելու է, այդ թվում՝ նշյալ բոլոր «նկարիչներին», քանի որ իրենցով Նիկոլը մուրճը ձեռքին ման է գալիս: Ընդ որում, հայկական դրոշն էլ կապել է մուրճին, ու դեռ սրբություններից է խոսում: Ես զինվորական եմ, սովոր եմ տեսնել դրոշի առջև խոնարհում, բայց անհնար է պատկերացնել, որ դրոշը կարելի է կապել մուրճին: Երանի է տալու, որ ամեն ինչ Նեպալի նման ավարտվի»:
Մանրամասները՝ «Փաստ» օրաթերթի այսօրվա համարում
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը