Քննիչների «կարած» քրեական գործերը հենց իրենց համար դառնալու են դատավճիռ. «Փաստ»
«Փաստ» օրաթերթը գրում է.
Իշխանությունների պատվերը կատարող քննիչների «կարած» քրեական գործերն, ի վերջո, նրանց համար դառնալու են դատավճիռ: Այս և մի շարք այլ հայտարարություններով ու պաստառներով երեկ ՔԿ Զինվորական քննչական գլխավոր վարչության 4-րդ կայազորային քննչական բաժնի դիմաց ակցիա էին իրականացնում «Համահայկական ճակատ» կուսակցության ներկայացուցիչները:
Այս անգամ նրանք բարձրաձայնում էին հատկապես երեք քննիչի ու մեկ դատավորի անուն, որոնք գեներալների դեմ գործեր են «կարում» կամ դատարանում «դակում» են: Խոսքը Արթուր Խաչատրյանի, Աշոտ Վարդանյանի, Արտակ Խաչատրյանի և Մեսրոպ Մակյանի մասին է: ՀՀ պաշտպանության նախկին նախարար, գեներալմայոր Արշակ Կարապետյանի ստեղծած կուսակցության անդամները նշում էին, թե իրենք սպասում են այն օրվան, երբ Հայաստանում վերջապես գերակա կլինի օրենքը և ոչ թե քաղաքական պատվերն, ու իրենք կգան քրգործեր «կարող» բոլոր քննիչների «հետևից»: Ակցիայի կազմակերպիչները ամոթանք տվեցին բոլոր քննիչներին. «Ինչպե՞ս ես գիշերները քնում, ինչպե՞ս եք գլուխներդ բարձին դնում»,-զարմանում էին նրանք:
Մասնակիցները նաև նշեցին, որ իրենք մի շարք փաստեր ունեն և՛ այդ քննիչների, և՛ այլ քննիչների ու նրանց հետ փոխկապակցված անձանց, այդ թվում՝ ընտանիքների անդամների վերաբերյալ: Ըստ այդմ, նրանք խոստացան պարբերաբար բարձրաձայնել բոլոր այն «իրավապահների» անունները, որոնք զբաղված են գործեր «կարելով», ինչպես նաև հրապարակել վերոնշյալ փաստերը:
Մանրամասները՝ «Փաստ» օրաթերթի այսօրվա համարում
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը