ԶՊՄԿ-ում շարունակվում է թվայնացման լայնածավալ ծրագիրը

Անցյալ շաբաթ մեկնարկել է մարդկային ռեսուրսների կառավարման և աշխատավարձի հաշվառման ավտոմատ համակարգի (1С։ЗУП) ներդրումը: Ընկերության համար նախագիծն ունի ռազմավարական նշանակություն։

Ընկերության թվայնացման և արդյունավետության բարձրացման ուղղությամբ այն կարևորագույն քայլերից մեկն է։

Մեր վերջնական նպատակն է բարելավել մարդկային ռեսուրսների կառավարման (HR) գործընթացները, արդիականացնել ոլորտը և համապատասխանեցնել միջազգային լավագույն չափանիշներին։

Նախագծի իրականացումով ակնկալվում է՝

Աշխատակազմի հաշվառման և աշխատավարձի հաշվարկման գործընթացների արդյունավետության բարձրացում

Տվյալների որակի և գործընթացների թափանցիկության բարելավում

Նոր համակարգում աշխատակիցների գործունեության համար ավելի հարմարավետ պայմանների ստեղծում

Այս փուլում դասընթացին մասնակցել են ծրագրի հիմնական օգտատերերը՝ այն աշխատակիցները, որոնց պարտականությունների մեջ է մտնում․

• Գործընթացների վերլուծությունը և օպտիմալացումը

• Տվյալների մշակումը

• Համակարգի թեստավորումը և կիրառումը

Տվյալների միգրացիան դարձել է հիմնական առաջնահերթություններից մեկը, որի աշխատանքներն արդեն սկսվել են հենց օգտատեր-աշխատակիցների հետ հանդիպման ընթացքում։

Հաջորդ քայլը՝ երկու համակարգերի զուգահեռ շահագործումն է, որը թույլ կտա մինչև ամբողջական անցումը համակարգին, ստուգել հաշվարկների ճշգրտությունը և հայտնաբերել հնարավոր շեղումները։