Ո՞ւր է պատվիրատուն. վենդե՞տա, թե՞ քաղաքական հաշվեհարդար. «Ժողովուրդ»
«Ժողովուրդ» օրաթերթը գրում է. «Փարաքար խոշորացված համայնքում սեպտեմբերի 23-ի լույս 24-ի գիշերը տեղի ունեցած կրակոցները չեն սահմանափակվելու միայն մեկ քրեական գործով։ Տեղի ունեցածը երկար պատմություն ունի․ ArmLur.am-ը բազմից է գրել Ախտոյանների և Գրիգորյանների հակասությունների մասին, որոնք տարիներ շարունակ վերածվել են բախումների, հատկապես ընտրական գործընթացների ժամանակ։ Ժամանակի ընթացքում նրանց թշնամությունը խորացել է՝ հասնելով իր գագաթնակետին։
Հիշեցնենք, որ Մհեր Ախտոյանը Մերձավանի նախկին գյուղապետն է, ՔՊ-ական, եղբայրը՝ Դավիթ Ախտոյանը
Փարաքարի համայնքում «Քաղաքացիական պայմանագրի» ավագանու անդամ
է:
Այս տարվա փետրվարի 5-ին Մհեր Ախտոյանի տան պատուհանի տակ արձանագրված միջադեպը ևս կապված է նույն լարվածության հետ: Բազմիցս է գրվել, որ Ախտոյանը դեպքերի ընթացքին հետևել է տեսախցիկներով՝ անգամ նկարելով կատարվողը, թե ինչպես են իր և Գրիգորյանի կողմնակիցներն իրար ծեծում: Արդյունքում սպանվեց Ախտոյսնի հորաքրոջ որդին՝ 29 ամյա Գրիգոր Օհանյանը. մեղադրյալի աթոռին հայտնվեցին միանգամից 14 անձինք:
ArmLur.am-ի աղբյուրները հայտնում են, որ Մհեր Ախտոյանը արդեն ավելի քան տասը օր է երկրում չէ։ Թեպետ ողջ Մերձավանում ակտիվորեն շրջանառվում են խոսակցություններ, թե ՔՊ-ական Մհեր Ախտոյանը կարող էր լինել Վալոդյա Գրիգորյանի սպանության ենթադրյալ պատվիրատուն, քանի որ նա է շրջապատում միշտ վրեժի թեման տաք պահել, սակայն, իրավապահները դժվար թե կարողանան անմիջապես գործել, քանի որ Ախտոյանը երկրում չէ։
Եթե ամփոփելու լինենք, ապա պետք է ասել, որ բախումները, ըստ էության, տեղի են ունենում երկու քաղաքականացված խմբավորումների միջև։ Մհեր Ախտոյանը ներկայացնում է «Քաղաքացական պայմանագիր» կուսակցությունը, իսկ Վալոդյա Գրիգորյանը առաջադրված էր «Ապրելու երկիր» և «Հաղթանակ» կուսակցությունների կողմից` ներկայացնելով ընդդիմադիր դաշտը: Այս հանգամանքը վենդետային տալիս է ակնհայտ քաղաքական հնչեղություն և նշանակություն։
Անցած տարիներին ևս Ախտոյանների ու Գրիգորյանների հակասությունները սրվել են հենց ընտրական գործընթացներին նախորդող ժամանակահատվածում կամ դրանց ավարտից հետո։
Իսկ իրավապահների անգործությունը կամ կողմնակալ քննությունը բերեց 2 զոհի և մեկ վիրավորի: Ում էլ պաշտոնից հանեն` իրավիճակը սփոփելի չի դառնա»։
Մանրամասները՝ «Ժողովուրդ» օրաթերթի այսօրվա համարում:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Բեյջի թելերից ավելի ուշագրով գնումներ էլ են եղել
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Աթոռ, բազկաթոռ բառերը սխալ են թարգմանել, որ կարողանան հավելյալ գումար գրել. պատգամավոր
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...