Դե, մարդիկ այլ բանով են զբաղված. «Փաստ»
«Փաստ» օրաթերթը գրում է.
Վերջին շրջանում գրեթե օր չկա, որ լրահոսում տեղեկություններ չլինեն՝ այստեղ դանակահարեցին, այնտեղ կրակեցին, մյուս տեղում ծեծկռտուք եղավ: Այնպիսի տպավորություն է, որ բոլորի կամ շատ-շատերի ձեռքին զենք կա: Հրազեն, սառը զենք: Շուրջբոլորը միմյանց ծեծում են, դանակահարում են, կրակում են, սպանում են, վիրավորում են...
Ի դեպ, եթե զուտ պաշտոնական վիճակագրական տվյալներն էլ նշենք, ապա թվերը չափազանց խոսուն են, ուստի դժվար չէ ինքնուրույն պատկերացում կազմել: Այսպես. 2023 թվականին «Մարդու (անձի) դեմ ուղղված հանցագործությունների» թիվը եղել է 7138, իսկ 2024 թվականին այդ դաժան ցուցանիշը հասել է 7353-ի, իսկ այս տարվա միայն առաջին կիսամյակում 3526 նման հանցագործություն է գրանցվել: Այդ թվում՝ 2023-ին կ ա տար վել է 1187 սպանություն , 2024-ին՝ 1565, իսկ հիմա, ուշադրություն, ընթացիկ 2025 թվականի միայն առաջին 6 ամսում արդեն իսկ կատարվել էր 998 սպանություն:
Եվ սա դեռ միայն անձի դեմ ուղղված ծանր հանցագործությունների մասին ենք խոսում: Հապա մնացած հանցագործությունները: Եթե, օրինակ՝ 2018 թվականին (Փաշինյանի պաշտոնավարման առաջին տարում) գրանցված հանցագործությունների թիվը մոտ 24 հազար էր, ապա վերջին գրեթե բոլոր տարիներին այդ ծանր ցուցանիշը գերազանցում է տարեկան 40 հազարը...
Հարկավ, մենք ոչ մեկ անգամ անդրադարձել ենք քրեածին վիճակի ու հանցավորության աճի այլևայլ պատճառներին: Այդ շարքում ընդգծել ենք, որ այն թունավոր մթնոլորտը, ատելության, չարության այն միջավայրը, որ ձևավորել են Փաշինյանն ու իր թիմը, հասարակության քթից պիտի գար ու գալիս է: Ու, ցավոք, դեռ գալու է:
Մյուս կողմից՝ իրավապահ համակարգը չգիտես ինչով է զբաղված...
Չնայա՜ծ... Ինչո՞ւ չգիտենք: Գիտենք: Բոլորը գիտեն: Այդ համակարգն զբաղված է 1 անձի՝ Նիկոլ Փաշինյանի պահպանությամբ ու նրա անընդունելի քմահաճույքների ու շահերի սպասարկմամբ: Զբաղված է ընդդիմադիրներին ու ընդդիմախոսներին հալածելով: Բնութագրական տվ յալ, որ հնչեցրեց Բագրատ Սրբազանի փաստաբաններից մեկը. միայն այդ «գործով», որ դատարան չհասած՝ արդեն փլուզվել է, ներգրավված է եղել (բռնվե՛ք)... 120 քննիչ:
Էհ, էլ հանցավորության, կրիմինալի դեմ պայքարի տեղ, էներգիա ու ժամանակ կմնա՞...
Մանրամասները՝ «Փաստ» օրաթերթի այսօրվա համարում
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Նորածնին պոլիկլինիկայում կարելի է գրանցել առցանց․ ԱՆ-ն մանրամասներ է ներկայացրել
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...