ԶՊՄԿ-ն անցնում է արևային էներգիայի լայնածավալ կիրառման
Զանգեզուրի պղնձամոլիբդենային կոմբինատը (ԶՊՄԿ) իրականացնում է արևային էլեկտրակայաններից ստացվող վերականգնվող էներգիայի լայնածավալ օգտագործման ծրագիր։ Այս մասին լրագրողների հետ զրույցում, Mining Armenia Forum ֆորումի շրջանակում, հայտնել է ԶՊՄԿ-ի առաջին փոխնախագահ Վարդան Ջհանյանը։
Նրա խոսքով՝ նման անցումն արդարացված է ոչ միայն բնապահպանական, այլև տնտեսական տեսանկյունից։ «Այսօր էլեկտրաէներգիայի ամենացածր ինքնարժեքը արևային կայաններինն է։ Կարծում եմ՝ 5-10 տարվա ընթացքում Հայաստանը կկարողանա աստիճանաբար փոխարինել գազի օգտագործումը էլեկտրաէներգետիկայում և անցնել վերականգնվող աղբյուրների՝ արևային էներգիայի կիրառմանը», — նշել է Ջհանյանը։
ՀՀ վիճակագրական կոմիտեի տվյալներով՝ 2025 թվականի հունվար-հուլիս ամիսներին Հայաստանում արևային էներգիայի արտադրությունը աճել է 70,3 %-ով՝ կազմելով 927,2 միլիոն կՎտ·ժ։
Հիշեցնենք, որ «Զանգեզուրի պղնձամոլիբդենային կոմբինատ» ՓԲԸ-ն Հայաստանի ամենախոշոր հանքարդյունաբերական ընկերությունն է։ Այն շահագործում է Քաջարանի պղնձամոլիբդենային հանքավայրն ու առանձնակի ուշադրություն է դարձնում կայուն զարգացման հարցերին։ Կոմբինատը Հայաստանում միակ մշակող ձեռնարկությունն է, որը գործում է միջազգային չափանիշներին համապատասխանող ESG (բնապահպանություն, սոցիալական պատասխանատվություն և կորպորատիվ կառավարում) ծրագրի շրջանակում։ Արդեն երրորդ տարին անընդմեջ ձեռնարկությունը հրապարակում է իր կայուն զարգացման տարեկան հաշվետվությունը և հետևողականորեն իրականացնում սեփական «կանաչ» էներգետիկ ռազմավարությունը։
Գոհար Մաթևոսյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Բեյջի թելերից ավելի ուշագրով գնումներ էլ են եղել
Հանրային ակտիվության հետևանքը. «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Խոշոր վթար՝ Սևան-Երևան ճանապարհին․ ամուսիններն ու նրանց երեխաները տեղափոխվել են հիվանդանոց