«Թվաբանական» անհամաձայնություններ. ի՞նչ է սպասվում տարեվերջին. «Փաստ»
«Փաստ» օրաթերթը գրում է.
Դուշանբեում կայացած ԱՊՀ գագաթաժողովի ընթացքում Նիկոլ Փաշինյանի և Ռուսաստանի նախագահ Վլադիմիր Պուտինի միջև ծավալվել էր բանավեճ՝ հայ–ռուսական առևտրաշրջանառության թվերի շուրջ։ Պուտինի հարցին, թե որքան է կազմել երկու երկրների միջև առևտրաշրջանառությունը, Փաշինյանը պատասխանել է, որ 2025 թվականին այն կազմել է 4 մլրդ դոլար, իսկ 2024-ին՝ 9 մլրդ։ Սակայն Ռուսաստանի նախագահը համաձայն չի եղել և նշել է, որ իրական ցուցանիշները «ավելի մեծ են»։ «Դե, կարող է լինել»,– արձագանքել է Փաշինյանը։
Դրանից հետո քպական պաշտոնյաներն ու պատգամավորները, իրար հերթ չտալով, փորձում էին ցույց տալ, թե Փաշինյանը չի սխալվել, համադրել է համադրելի թվերը և այլն: Միևնույն ժամանակ մի շարք փորձագետներ ի ցույց են դնում ուշագրավ պատկեր: Ըստ Հայաստանի վիճակագրական կոմիտեի պաշտոնական տվյալների, 2024 թվականին Հայաստանի և Ռուսաստանի միջև առևտրաշրջանառությունը կազմել է 12 մլրդ 401 մլն 604,4 հազար դոլար։ Այսպիսով, 2024 թվականը դարձել է պատմական առավելագույնը՝ գրանցելով գրեթե կրկնակի աճ 2023 թվականի համեմատ։ Միաժամանակ, ըստ 2025 թվականի օգոստոսի տվյալների, իրական առևտրաշրջանառությունը կազմել է մոտ 4,5 մլրդ դոլար, մինչդեռ 2024 թվականի նույն ժամանակահատվածում այն կազմել էր 9,2 մլրդ դոլար։ Այսինքն, Փաշինյանը փաստացի «կրճատել է տարին՝ մինչև ութ ամիս»՝ շփոթելով թվերը և համեմատելով ոչ թե տարեկան, այլ ութամսյա ցուցանիշները։
Մեր ուսումնասիրությունները ցույց են տալիս, որ 2025 թվականի արդյունքներով հայ–ռուսական առևտրաշրջանառությունը կհասնի առնվազն 7 մլրդ դոլարի, ինչը զգալի անկում է նախորդ տարվա համեմատ։ Այնուամենայնիվ, Ռուսաստանը շարունակում է մնալ Հայաստանի գլխավոր առևտրային գործընկերը, որին բաժին է ընկնում մեր երկրի ամբողջ արտաքին առևտրի 34,8 տոկոսը։ Հետագա դինամիկան, ըստ փորձագետների, կախված կլինի մի շարք գործոններից՝ ներառյալ տարածաշրջանային աշխարհաքաղաքական զարգացումները, առաջիկա խորհրդարանական ընտրությունները և Հայաստանի արտաքին տնտեսական քաղաքականության հետագա քայլերը։
Մանրամասները՝ «Փաստ» օրաթերթի այսօրվա համարում
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Բեյջի թելերից ավելի ուշագրով գնումներ էլ են եղել
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Աթոռ, բազկաթոռ բառերը սխալ են թարգմանել, որ կարողանան հավելյալ գումար գրել. պատգամավոր
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...