Փաշինյանն ուզում է Հայաստանը քպականացնել. «Փաստ»
«Փաստ» օրաթերթը գրում է.
Գյումրու քաղաքապետ Վարդան Ղուկասյանը երկու ամսով կալանավորվեց։ Ակնհայտ է, որ Նիկոլ Փաշինյանն ու թիմը 2026 թ. ԱԺ ընտրություններին ընդառաջ ցանկանում են Գյումրիում իրականացնել իշխանափոխություն՝ մեկուսացնելով ընտրված քաղաքապետ Վարդան Ղուկասյանին:
Անդրադառնալով այս թեմային՝ «Հանրապետության հրապարակ» տելեգրամյան ալիքը նշում է, որ Փաշինյանը ցանկանում է ՔՊ-ին նաև Գյումրիում բերել իշխանության, այսինքն՝ ՀՀ մեծությամբ երկրորդ քաղաքում ևս բռնի իշխանափոխություն կատարել՝ ընդդիմադիր դաշտը թուլացնելու, պառակտելու համար, որպեսզի կարողանա ապահովել հեշտ հաղթանակ 2026 թվականին։ «ՔՊն ընտրություններում պարտվել է Ղուկասյանին և այժմ չի կարողանում մարսել այդ պարտությունը։ Փաշինյանը ցանկանում է ուժեղացնել ՔՊ-ի դիրքերը մարզերում՝ ԱԺ ընտրություններին ընդառաջ։ Սկսվել է Հայաստանի քպականացման գործընթացը. ՀՀ-ում դե-ֆակտո միակուսակցական համակարգ է ձևավորվում»։
Գյումրեցիները, սակայն, բազմահազարանոց ցույցերով ցույց տվեցին Փաշինյանին, որ կանգնած են Վարդան Ղուկասյանի կողքին, իսկ դա նշանակում է, որ Գյումրին մեծամասամբ հականիկոլական քաղաք է, և անգամ Ղուկասյանի մեկուսացումն ոչինչ չի տալու Փաշինյանին։
«Վարդան Ղուկասյանի ձերբակալությունն ունենալու է հակառակ էֆեկտը՝ 2026 թվականին գյումրեցիները ձայն են տալու ընդդիմությանը։ Գյումրեցիների միասնականությունն ու վառ հականիկոլականությունը մեսիջ էր Փաշինյանին, որ ոստիկանությամբ, ծեծելով՝ Գյումրիում չի հաջողվելու իրականացնել իշխանափոխություն։ Քպական թեկնածուն չի կարողանալու կառավարել Գյումրին, քանի որ քաղաքի բնակչությունը չի ենթարկվելու նոր իշխանություններին և, հնարավոր է, ամենօրյա ցույցեր իրականացվեն ի պաշտպանություն Վարդան Ղուկասյանի»,-գրում է ալիքն ու հավելում, որ Փաշինյանի ձգտումը՝ գնալ ՀՀ-ն քպականացնելու ուղիով, ուղիղ ճանապարհ է դեպի դիկտատուրա, որն արվում է Արևմուտքի լռության պայմաններում։
Ըստ հեղինակների, Փաշինյանը նաև մեսիջ է հղում ընդդիմությանը, որ անգամ եթե նրանց թեկնածուները հաղթեն ՏԻՄ և 2026 թ. ԱԺ ընտրություններում, ինքը և իր ՔՊ-ն չեն պատրաստվում իշխանությունը զիջել ընդդիմությանը. «Փաշինյանը քարտ-բլանշ է ստացել Արևմուտքից և թուրք-ադրբեջանական տանդեմից՝ ազգային ընդդիմությանն ու Մայր Աթոռը ճնշելու և քաղաքականապես չեզոքացնելու համար։ Արևմուտքը ՀՀ-ից ՔՊ-ի միջոցով կերտում է հակառուսական պլացդարմ, իսկ Բաքուն՝ «Արևմտյան Ադրբեջան»»։
Մանրամասները՝ «Փաստ» օրաթերթի այսօրվա համարում
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Նորածնին պոլիկլինիկայում կարելի է գրանցել առցանց․ ԱՆ-ն մանրամասներ է ներկայացրել
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...