Եվրաքննադատության «ապտակը» եւ Մարիա Կարապետյանի «ձախողած քննարկումը». «Ժողովուրդ»
«Ժողովուրդ» օրաթերթը գրում է. «ՔՊ քաղաքական կուլիսներում լուռ դժգոհություն է հասունանում՝ կապված Եվրանեսթ Խորհրդարանական վեհաժողովում Հայաստանի պատվիրակության ղեկավար Մարիա Կարապետյանի գործունեության հետ։ Կուսակցության ներսում պնդում են, որ նա չի կարողացել պատվիրակության աշխատանքը կազմակերպել այնպես, որ Երեւանում անցկացվող նիստը չվերածվեր հրապարակային քննադատության հարթակի:
Հոկտեմբերի 28-30-ը Երեւանում անցկացվող Եվրանեսթ խորհրդարանական վեհաժողովի 12-րդ լիագումար նստաշրջանի ընթացքում Հայաստանի իշխանությունները ստացան այն, ինչին ամենաքիչն էին սպասում՝ հրապարակային եւ կոշտ դիտողություններ ԵՄ պատգամավորների կողմից։
Եվրանեսթ Խորհրդարանական վեհաժողովում քաղաքական, մարդու իրավունքների եւ ժողովրդավարության հարցերի հանձնաժողովի նիստի սկզբում եվրոպացի պատգամավոր Նաչո Սանչես Ամորը հայտարարեց. «Վերջապես Հայաստանը հավակնում է ԵՄ-ի թեկնածու լինել. ուստի պետք է լուծել ներքին խնդիրները։ Խոսքը ոչ թե Թուրքիայի հետ սահմանը բացելու մասին է, այլ նրա, ինչ տեղի է ունենում ՀՀ քաղաքներում։ Երբ մարդկանց 20-40 ոստիկանով կալանավորում են կարծիքի համար, սա անընդունելի է։ Սա արդեն մեթոդ է»։
Նա ընդգծեց, որ Եվրոպայում տեղեկացված են Հայաստանում կարծիքի ազատության սահմանափակման դեպքերի մասին. «Ժողովրդավարության մեջ անգամ մեկ անձի չի կարելի բանտարկել իր կարծիքի համար։ Եթե դուք հավակնում եք Եվրամիության թեկնածու երկիր դառնալ, պետք է ուշադիր լինեք այս հարցերին»։
Ամորը հավելեց, որ Հայաստանի իրավական համակարգը դեռեւս կրում է խորհրդային ժառանգության ազդեցությունը. «Մեղադրենք, ուղարկենք բանտ՝ հետո կտեսնենք։ Մենք խորությամբ ուսումնասիրել ենք այս դեպքերը»։
Նրան երկրորդեց նաեւ գերմանացի պատվիրակը՝ կրկին մատնանշելով իշխանությունների ոչ ժողովրդավար գործելաոճը։
Քաղաքագետների գնահատմամբ, սա պարզ ազդակ է, որ Եվրոպան ուշադրությամբ հետեւում է Հայաստանում տեղի ունեցող գործընթացներին, եւ ժողովրդավարական հետընթացը կարող է լրջորեն ազդել ԵՄ-ի հետ հարաբերությունների վրա»։
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Բեյջի թելերից ավելի ուշագրով գնումներ էլ են եղել
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Աթոռ, բազկաթոռ բառերը սխալ են թարգմանել, որ կարողանան հավելյալ գումար գրել. պատգամավոր
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...