ՔՊ-ական պատգամավորների հակասությունները գլխավոր դատախազի հետ անթաքույց են. «Ժողովուրդ»
«Ժողովուրդ» օրաթերթը գրում է. «ԱԺ միջանցքներում վերջին օրերին նկատելի է լարվածություն. իշխող «Քաղաքացիական պայմանագիր» խմբակցության մի շարք պատգամավորներ բացահայտ կամ քողարկված դժգոհություն են արտահայտում ՀՀ գլխավոր դատախազ Աննա Վարդապետյանի հասցեին։
Ֆինանսավարկային եւ բյուջետային հարցերի հանձնաժողովի նախագահ Ծովինար Վարդանյանը օրերս անգամ տեսախցիկների առաջ պահանջեց, որ դատախազն անձամբ ներկայանա Ազգային ժողով եւ ներկայացնի դատախազության բյուջեի կատարողականը։ Եվ միակ մարդը, որ փորձեց պաշտպանել Աննա Վարդապետյանին ու արդարացնել նրա բացակայությունը, Պետաիրավական հարցերի հանձնաժողովի նախագահ Վլադիմիր Վարդանյանն էր։ Վերջինս նշեց, որ եթե քննարկումը վերաբերում է ֆինանսական հարցերին, ապա տրամաբանական է, որ դատախազությունից այդ ոլորտի պատասխանատուն ներկայացնի զեկույցը։
Սակայն, ինչպես ասում են խորհրդարանական կուլիսներում, սա միայն երեւացող մասն է լարվածության։ Իշխանական շրջանակներում վաղուց են դժգոհում Վարդապետյանի պահվածքից՝ ընդգծելով, որ նա «գոռոզ ու հպարտ» է, քիչ է շփվում իշխանության ներկայացուցիչների հետ եւ պահպանում է բացառապես ուղիղ կապ վարչապետ Նիկոլ Փաշինյանի հետ։
Այս ֆոնին խորհրդարանում ավելի ակնառու է դառնում այն հակասությունը, որ մյուս ուժային կառույցների ղեկավարները, առանց խուսափելու, ներկայանում են ԱԺ-ում հաշվետվություններով ու զեկույցներով, մինչդեռ դատախազի փոխարեն Ազգային ժողով էր ներկայացել գլխավոր քարտուղարը։
Դատախազի կեցվածքը՝ պահպանելու ինստիտուցիոնալ հեռավորություն քաղաքական դաշտից, մերժելի է թիմում, եւ այդ ներքին հակասությունը՝ համակարգային ու անձնական ընկալումների խաչմերուկում, ավելի է խորանում։
Սակայն Վարդապետյանը, կարծես, չի էլ մտահոգվում այս վիճակից: Ամեն անգամ, երբ նա գալիս է ԱԺ, այս խոսակցությունները կրկին ակտիվանում են, բայց դատախազը ցուցադրաբար խուսափում է ՔՊ-ականների հետ ոչ պաշտոնական շփումներից. նույնիսկ ջուր ու սուրճ չի խմում նրանց հետ»։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը