Ավստրալիան կտրամադրի երեք ժամ անվճար արևային էներգիա

Ավստրալիայի կառավարությունը 2026 թվականից կվարի նոր էներգախնայողության ծրագիր, որի շրջանակում միլիոնավոր ընտանիքներ օրական առնվազն երեք ժամ կարող են օգտվել անվճար արևային էներգիայից։ Այս մասին հայտնել է երկրի էներգետիկայի նախարար Քրիս Բոուենը։

Solar Sharer ծրագիրը սկզբնական շրջանում կգործի Նոր Հարավային Ուելսում, Հարավային Ավստրալիայում և Կվինսլենդի հարավ-արևելքում, իսկ ավելի ուշ կշարունակվի նաև մյուս նահանգներում։ Ծրագիրը նախատեսում է, որ քաղաքացիները անվճար էներգիա կստանան օրվա այն ժամերին, երբ արևային էլեկտրակայանների արտադրանքն առավելագույնն է՝ հիմնականում կեսօրին։

Ներկայում Ավստրալիայում շուրջ չորս միլիոն տնային տնտեսություն ունի արևային վահանակներ, և արևառատ օրերին դրանց էներգիաարտադրությունը այնքան մեծ է, որ երբեմն էլեկտրաէներգիայի մեծածախ գները դառնում են բացասական։ Սակայն սպառման պիկը սովորաբար ավելի ուշ է՝ երեկոյան ժամերին, ինչը մեծացնում է բեռը էլեկտրացանցի վրա։ Նախագծով նախատեսվում է, որ ծրագրին կարող են միանալ նաև այն բնակիչները, որոնք չունեն սեփական արևային վահանակներ, այդ թվում՝ բազմաբնակարան շենքերում ապրողները։

Քրիս Բոուենը 2022-ին հայտարարել էր, որ Ավստրալիան նպատակ ունի մինչև 2030 թ․ ապահովել 82% վերականգնվող էներգիայի բաժին, ինչպես նաև կրճատել ածխածնի արտանետումները 2005-ի մակարդակների համեմատ 43%-ով։

Հայաստանում արևային պանելներ արտադրող առաջին և միակ ընկերությունը Սոլարոնն է։

Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]