«Ադրբեջանից և Թուրքիայից աջակցության ակնկալիք ունեն». «Փաստ»
«Փաստ» օրաթերթը գրում է.
ritmeurasia.ru–ն «Մարուքյան. Հայաստանի իշխանություններ անտեսում են ղարաբաղցիների խնդիրները` հանուն Բաքվի և Անկարայի» վերնագրով հոդվածում գրում է, որ «Լուսավոր Հայաստան» կուսակցության առաջնորդ Էդմոն Մարուքյանը մեղադրել է երկրի իշխանություններին ղարաբաղցի հայերի խնդիրները դիտավորյալ անտեսելու և ադրբեջանական հանցագործությունները թաքցնելու մեջ։
Քաղաքական գործիչը հայտարարել է, որ պաշտոնական Երևանը դարձել է Բաքվի «ամենաուժեղ դաշնակիցը» միջազգային հարթակներում, ինչը ակնհայտ երևում է ղարաբաղցիների իրավունքների վերաբերյալ բանաձևերին դեմ լինելու մեջ, ինչպիսին էր նաև Եվրանեսթի նստաշրջանում վերջերս տեղի ունեցածը։ «Ադրբեջանն ուղղակի անփոխարինելի գործընկերներ ունի Հայաստանում, ուստի Բաքվի դեմ որևէ պատժամիջոց չի կիրառվում, որևէ ազդեցություն կամ ճնշում չի գործադրվում», - ընդգծել է Մարուքյանը։
Քաղաքական գործչի խոսքով, Հայաստանի իշխանությունների այս դիրքորոշումը բացատրվում է 2026 թվականի խորհրդարանական ընտրությունների նախաշեմին Ադրբեջանից և Թուրքիայից աջակցության ակնկալիքով։ Մարուքյանը նշել է վերջերս Բաքվի և Անկարայի հռետորաբանության նկատելի մեղմացումը, ինչը, նրա կարծիքով, վկայում է նրանց շահագրգռվածության մասին՝ պահպանելու Հայաստանի ներկայիս ղեկավարությանը իշխանության գլուխ։ «Ադրբեջանի դեմ միջազգային դատական հայցերը հետ վերցնելով և այդ հարցերը փակելով՝ մենք ինքներս ենք մասնակից դառնում էթնիկ զտումներին», - եզրափակել է ընդդիմադիր կուսակցության առաջնորդը՝ հավելելով, որ միջազգային հանրությունն ավելի շատ չի մտահոգվի հայերի իրավունքներով, քան ինքը Հայաստանը։
Մանրամասները՝ «Փաստ» օրաթերթի այսօրվա համարում
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը