Արևմտյան «սեգմենտը» կմիավորվի. «Փաստ»
«Փաստ» օրաթերթը գրում է.
Մեր ունեցած տեղեկություններով, Հայաստանյան քաղաքական դաշտի, այսպես կոչված, արևմտյան սեգմենտում լուրջ քննարկումների մեջ են, թե ինչպես մասնակցեն առաջիկա խորհրդարանական ընտրություններին:
Հարցն այն է, որ այդ դաշտում գործող քաղաքական ուժերն իրենք էլ հիանալի հասկանում են, որ առանձին մասնակցելու դեպքում ինչ-որ փոքր տոկոսներ հավաքելու հնարավորությունն անգամ չկա: Ուստի, մեր աղբյուրների փոխանցմամբ, քննարկվում է բոլորով մեկ միասնական դաշինքով հանդես գալու հարցը, հատկապես, որ Գյումրու ընտրություններն էլ ցույց տվեցին, որ նույնիսկ 3-4 միավորով միանալու դեպքում արդյունքները բավարար չեն: Սակայն այստեղ էլ առաջ է գալիս հարց, թե ով կարող է լինել այդ «ալ յանսի» առաջնորդը: Ի սկզբանե հատկապես իշխանություններին ձեռնտու է եղել «Հանրապետություն» կուսակցության ղեկավար Արամ Սարգսյանի թեկնածությունը, բայց իշխանություններին անվերապահ աջակցելու դրսևորումների արդյունքում, ինչպես նաև նույն Գյումրու ընտրություններից, առավել ևս նրա թեկնածուի ուղիղ «մասնակցությամբ» Ամենայն հայոց կաթողիկոսի եղբոր՝ 68-ամյա Գևորգ Ներսիսյանի և նրա որդու՝ Համբարձում Ներսիսյանի դեմ «գործ սարքելու» վերջին դրսևորումից հետո Սարգսյանի վարկանիշը (որքան էլ որ եղել է) սարսափելի ընկել է:
Ըստ այդմ, մեր ունեցած տեղեկություններով, հիմա ինտենսիվ քննարկումներ են ընթանում արևմտյան ողջ բլոկը միավորելու շուրջ՝ Հայաստանի շնորհապետական կուսակցության նախագահ Գուրգեն Սիմոնյանի առաջնորդությամբ: Մեր աղբյուրները փոխանցում են, որ Սիմոնյանը հատկապես վերջին շրջանում ոչ միայն ինքն է բավականին ակտիվ, այլև շատ ակտիվ շփումների մեջ է արևմտյան կողմնորոշում ունեցող կուսակցությունների ներկայացուցիչների, նաև անկուսակցական անհատների հետ:
Մանրամասները՝ «Փաստ» օրաթերթի այսօրվա համարում
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը