Ինչո՞ւ է դիտորդական առաքելությունը պայքարում այլ դիտորդական առաքելության դեմ. «Փաստ»
«Փաստ» օրաթերթը գրում է.
Երեկ հայտնի դարձավ, որ «Ականատես» դիտորդական առաքելությունը դիմել է Կենտրոնական ընտրական հանձնաժողովին՝ պահանջելով «անհապաղ ուսումնասիրել «ՀայաՔվե» դիտորդական առաքելության վարքագիծը և իրականացնել ՀՀ ընտրական օրենսգրքով ԿԸՀ-ին վերապահված գործառույթները՝ ընտրական գործընթացների օրինականությունը ապահովելու հարցում»։
Առաջին հայացքից տարօրինակ է, որ մի դիտորդական առաքելությունը պայքարում է այլ դիտորդական առաքելության դեմ: Այստեղ, կարծես, մրցակցության խնդիր չպետք է լինի, որովհետև եթե դիտորդական առաքելության իրական նպատակը ընտրությունների արդար ու թափանցիկ ընթացքի ապահովումն է, ապա պետք է ուրախ լինեն նման առաքելություններ շատ լինելու հանգամանքից: Սակայն հարցի պատասխանը տալիս է «Ականատեսի» հայտարարության այս հատվածը. ««Հայաքվե» դիտորդական առաքելությունը հավատարմագրումից հետո չի պահպանում քաղաքական չեզոքության սկզբունքը և նախընտրական ժամանակահատվածում իրականացնում է ակտիվ քարոզչություն՝ հիմնականում ընդդեմ «Քաղաքացիական պայմանագիր» կուսակցության»։
Եթե նկատի առնենք, որ «Ականատես» դիտորդական առաքելությունը, ուշադրություն, հիմնադրվել է 2018 թվականին, այսպես կոչված, «սորոսականությամբ» հայտնի մի քանի կազմակերպությունների կողմից, պատկերն առավել կամբողջանա: Սակայն ինչպիսի դիրքորոշում էլ ունենա դիտորդական առաքելությունը, տրամաբանորեն նրա խնդիրը պետք է լինի անաչառության ապահովումը, ոչ թե որևէ քաղաքական ուժի, տվյալ դեպքում՝ իշխող ՔՊ-ի «փաստաբանությունը»: Հակառակ դեպքում ստացվում է, որ «ՀայաՔվեին» «մեկուսացնելով»՝ նպատակ կա առավել ազատել ՔՊ-ի ձեռքերը:
Ի դեպ, առանց այդ էլ քիչ չեն բողոքները իշխող կուսակցությունից՝ Վաղարշապատի նախընտրական փուլի առումով: Ավելին, արդեն իսկ երկու քրեական վարույթ կա՝ ուղղակիորեն կապված ՔՊ-ի հետ: Այս և մի շարք փաստերով «Մայր Հայաստան» կուսակցությունը նախաձեռնել է իրավական գործընթաց` «Քաղաքացիական պայմանագիր» կուսակցության ընտրական ցուցակի գրանցումը Վաղարշապատ համայնքի ավագանու ընտրություններում ուժը կորցրած ճանաչելու պահանջով: Դե, դժվար չէ կանխատեսել, թե ԿԸՀ-ն ինչ ընթացք կտա այդ դիմումին:
Մանրամասները՝ «Փաստ» օրաթերթի այսօրվա համարում
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Բեյջի թելերից ավելի ուշագրով գնումներ էլ են եղել
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Աթոռ, բազկաթոռ բառերը սխալ են թարգմանել, որ կարողանան հավելյալ գումար գրել. պատգամավոր
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...