Սա՞ է «լայն քայլերով» եկած «խաղաղությունը». «Փաստ»
«Փաստ» օրաթերթը գրում է.
Արցախի՝ ապօրինաբար պատանդառված ռազմաքաղաքական ղեկավարության նկատմամբ Բաքվում ընթացող, այսպես կոչված, «դատավարության» կամ՝ դատական ֆարսի ընթացքում ադրբեջանական դատախազը պահանջել է ցմահ ազատազրկման դատապարտել Արցախի նախկին նախագահ Արայիկ Հարությունյանի, Արցախի պաշտպանության բանակի նախկին հրամանատար, գեներալ-լեյտենանտ Լևոն Մնացականյանի, Արցախի պաշտպանության բանակի նախկին փոխհրամանատար Դավիթ Մանուկյանի, Արցախի խորհրդարանի նախկին խոսնակ Դավիթ Իշխանյանի և Արցախի նախկին արտգործնախարար Դավիթ Բաբայանի համար: Բացի այդ, Ալիևի դատախազը 20 տարվա ազատազրկում է պահանջել ԼՂՀ նախկին նախագահներ Բակո Սահակյանի, Արկադի Ղուկասյանի և Արցախի մյուս գործիչների համար: Մյուս հայ գերիների համար պահանջել է 16-19 տարվա ազատազրկում:
Նիկոլ Փաշինյանն ու նրա իշխանության ներկայացուցիչները ոչ մի կերպ դեռ չեն արձագանքել այդ փաստին: Երևի սա՞ է նրանց պատկերացրած «խաղաղությունը» իրենց գովաբանած Ադրբեջանի ու Ալիևի հետ, որին ևս փառաբանում են՝ մի քանի վագոն ցորենի համար: Սա՞ է տարփողվող «խաղաղությունը»:
Լավ, ի վերջո, հո մեծ-մեծ խոսելո՞վ չէ: Չնայած, այս իշխանությունների դեպքում այդպես էլ կա: Խնդրեմ, Փաշինյանը ԱԺ ամբիոնից հայտարարում է, թե՝ «մեզանից շատ ոչ մեկը Արցախի համար բան չի արել»:
Դե, իհարկե, իրենցից բացի ոչ մեկը Արցախը չի հանձնել, այդքան զոհ չի տվել: Ոչ մեկը Արցախի ռազմաքաղաքական ղեկավարությանը պատանդ չի թողել Ադրբեջանի ձեռքում, որ հիմա ցմահ ազատազրկման «դատապարտեն»:
Այդ ամենը, այո, արել է Փաշինյանը: Այդ ամենը եղել է այն բանի պատճառով ու հետևանքով, որ երկիրը կառավարել է Փաշինյանը: Ու նա այդ ամենը արել է՝ մեկ բղավելով՝ «Արցախը Հայաստան է, և՝ վերջ», մեկ հայտարարելով, թե՝ Արցախը ադրբեջանական տարածք է: Իսկապես շատ բան է արել: Բայց ոչ թե Արցախի համար, այլ ընդդեմ Արցախի ու արցախցիների: Բայց գուցե նկատի է ունեցել այն, որ կյանքի է կոչվել հիմնական նպատակը, այն է՝ ձերբազատվել Արցախից: Փաշինյանն ինքն էր, չէ՞, նախօրեին հերթական անգամ հայտարարում, որ «Ղարաբաղի անկախության թեման դա ֆեյք է», և որ «ինչքան էլ անհամեստ է, ես սա պարտավոր եմ ասել, և այո, սա առաքելություն է, մենք այս առաքելությունն անում ենք»:
Ասեք, որ իսկապես խոսուն խոստովանություն է...
Մանրամասները՝ «Փաստ» օրաթերթի այսօրվա համարում
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
Կորոտան առաջին ամպրոպները․ Գագիկ Սուրենյանը նոր տեսանյութ է հրապարակել
ԱՄՆ-ն «բանակցում է» Իրանի առաջնորդների հետ պատերազմին վերջ դնելու համար. Թրամփ
«Կլինիկական մահ» ախտորոշմամբ ԲԿ է տեղափոխվել 1 տարեկան երեխա․ նրան ծեծի է ենթարկել ծնողներից մեկը
Ցեղասպանության թանգարանի տնօրենի ԺՊ-ն Ադրբեջանի հետ գաղտնի բանակցություն վարողներից է. «Հրապարակ»
Երևանում օտարերկրացի կինը հարվածել է իր 3-ամյա երեխային, մահճակալից գցել հատակին և քարշ տվել
Երիտասարդն ասել է՝ ինչու էր հրավառ շշեր նետել ԱԱԾ շենքի ուղղությամբ․ մանրամասներ. «Ժողովուրդ»
ԱՄՆ-ն Եվրոպայից տեղափոխել է Patriot հակահրթիռային համակարգերը Մերձավոր Արևելք
«Փակ վիճակում են բերել, դա ինձ տանջում է մինչ օրս. գոնե վերջին անգամ համբուրեի, ասեի գնաս բարով, իմ ...
Երբ նայում ես «խաղաղության» կոնտեքստին, հասկանում ես, որ Մեծ Եղեռնը վերջին «եթերաշրջանը» կունենա