Ո՞վ է իրականում վնաս հասցնում պետությանը. «Փաստ»
«Փաստ» օրաթերթը գրում է.
Վերջին օրերին ՔՊ կարկառուններից ու կից «սատելիտներից» մի քանիսը քարոզչադաշտում նոր թեզ են գեներացնում, թե՝ բա, ազգային բարերարն իր պետության դեմ հայց կներկայացնի՞ միջազգային որևէ դատարան: Հասկանում եք՝ Սամվել Կարապետյանին նկատի ունեն:
Չէ, լո՞ւրջ: Ուրեմն, ՔՊ-ն ու յուր առաջնորդը երկիրն աղետի մատնեն, պետությունը լրջագույն սպառնալիքների տակ դնեն, պետության ու տնտեսության, կառավարման համակարգի ու բանակի հետ ինչ ուզեն՝ անեն, հազարավոր լուսավոր տղաների մահվան մատնեն, Արցախը թշնամուն հանձնեն և ուրանան, բայց իրենք համարվեն հայրենասեր, ուրիշներին էլ անուն դնե՞ն:
Բայց դա էլ ամենը չէ: Ստացվում է, որ իրենք կարող են մարդու սեփականությունը խլել, բայց մարդն իրավունք չունենա՞ դիմել միջազգային արբիտրաժ կամ դատարան:
Դե, բոլորին ունեզրկեք, բոլորին բանտարկեք ու հայտարարեք. «Եթե հայրենասեր եք, մի դիմեք միջազգային դատարաններ, ատյաններ»: Ու, առհասարակ, ի՞նչ կապ ունի այստեղ հայրենասիրության հարցը, ազգային բարերար լինելը: Մարդու սահմանադրական իրավունքները տրորտակել եք և ուզում եք՝ նա լռի՞:
Ի՞նչն եք ծաղրում, բանականությո՞ւնը:
Ինչ վերաբերում է միջազգային արբիտրաժին, ապա բազմաթիվ լուրջ մասնագետներ զգուշացնում էին՝ կոնկրետ 1 անձի քմահաճույքներն ամեն գնով բավարարելու հետևանքով երկիրը ֆինանսական ահռելի վնասներ է կրելու: Հենց դրա համար էին ասում: Ըստ որում, այն էլ նկատենք, որ ՔՊ-ն ու Փաշինյանը պետությունը չեն: Իրենք ընդամենը ժամանակավոր երևույթ են՝ անցողիկ իշխանություն: Ինչպես բոլոր իշխանությունները: Ու, մեծ հաշվով, միջազգային դատարանում պատասխանողը կառավարությունն է, Փաշինյանի իշխանությունը: Այն Փաշինյանի, որի քմահաճույքների ու քաղաքական ամբիցիաների բավարարման համար էլ այս վիճակն է ստեղծվել: Այսինքն, երկրին վնաս հասցնողը հենց իրենք են, այլ ոչ թե ՀԷՑ-ի սեփականատերը, որ ցանկանում է պաշտպանել իր օրինական, սահմանադրական իրավունքները:
Ի դեպ, այս մասին խոսել էր նաև ՀԷՑ-ի նախկին տնօրեն Դավիթ Ղազինյանը: «Մենք, նաև Սամվել Կարապետյանը, չենք նույնականացնում իշխանությանը պետության հետ, այսինքն՝ մեզ համար իշխանությունը մի փոքրիկ խմբակ է, որը շատ արագ պետք է հեռանա։ Իսկ ինչ վերաբերում է արբիտրաժին, ապա մենք դիմել ենք այս պահին գործող իշխանության դեմ»,-ասել էր նա:
Մանրամասները՝ «Փաստ» օրաթերթի այսօրվա համարում
Եկեղեցին վերականգնվել է իր սկզբնական ճարտարապետական ոճին համապատասխան․ Հիքմեթ Հաջիևը տեսանյութ է հրա...
Ադրբեջանական կողմից նախապատրաստվել և առաջ են մղվում անհիմն ու արհեստական թեզեր․ փորձագետ
Տարադրամի փոխարժեքները մայիսի 2-ին
Սամվել Ալեքսանյանը 350 հազար կիլոգրամ գոմեշի միս է ներկրելու Հնդկաստանից․ Կառավարությունից աջակցությ...
Երևանյան գագաթնաժողով. Թուրքիայի փոխնախագահի հանդիպումների և հռետորաբանության հետագիծը․ Գեղամյան
Ջուր չի լինի՝ մայիսի 4-ին. հասցեներ
Մոսկվայում մայիսի 9-ին կայանալիք Հաղթանակի շքերթը կանցկացվի առանց ռազմական տեխնիկայի շարասյան
Թափանցիկության բացակայություն՝ ադրբեջանական պատվիրակության այցի շուրջ. «Ժողովուրդ»
Արցախցի գործարարը, որին հյուրընկալվեց Փաշինյանը, առնչվում է փողերի լվացման գործին. «Ժողովուրդ»
ՊԵԿ-ը բացահայտել է խոշոր չափերի` կանխիկ 72,6 մլն ռուսական ռուբլու ներկրման դեպքեր