Այսուհետ՝ ոչ թե «սպոնտան», այլ կազմակերպված. «Փաստ»
«Փաստ» օրաթերթը գրում է.
Սուրբ Սարգիս եկեղեցում Նիկոլ Փաշինյանի հերթական կեղծ «պատարագ»-հանրահավաքի ժամանակ, երբ Վեհափառի անունը նորից չհնչեց, բազմաթիվ քաղաքացիներ իրենց դժգոհությունը հայտնեցին և սկսեցին բարձրաձայն հնչեցնել Ամենայն հայոց կաթողիկոս Գարեգին Բ-ի անունը: Դրան հետևեցին ոստիկանների՝ արդեն սովորական դարձած վայրագությունները:
Մասնավորաբար, նրանք բերման ենթարկեցին Հովհաննես Իշխանյանին ու Հայկ Դորունցին: Ընդ որում, այնպիսի փութաջանությամբ, կարծես խոշորագույն հանցագործ էին բռնել: Ավելին, դրանից հետո իշխանական քարոզիչներն ու սատելիտները, հասկանալով, որ Փաշինյանի բեմականացրած «պատարագները» գոնե Երևանում իրենց ցանկացած հունով՝ լուռումունջ, հանգիստ, անարգել չեն ընթանում, տեղեկատվական հարթակներում լծվել էին Եկեղեցու թիկունքին կանգնածներին, մասնավորաբար «ՀայաՔվե» քաղաքացիական-հասարակական միավորման անդամ Հովհաննես Իշխանյանին վարկաբեկելու, վերջինիս մասին կեղծ տեղեկություններ տարածելու գործին: Դե, Նիկոլ Փաշինյանի, ՔՊ-ի ու նրանց կցված սատելիտների դեպքում լավագույնը, որ ստացվում է, աջուձախ վարկաբեկելն ու կեղծիք տարածելն է:
«Փաստ» թերթի տեղեկություններով, ազգային ուժերի շրջանում կա որոշում՝ հետագայում՝ բոլոր այն դեպքերում, երբ Նիկոլ Փաշինյանը կկազմակերպի իր հակաեկեղեցական հանրահավաք-«պատարագները», ոչ թե «սպոնտան», այլ կազմակերպված ձևով ներկա լինել, խանգարել այդ հակաեկեղեցական, հակազգային, կեղծ արարողությունները, հնչեցնել Վեհափառի անունը: Մեր աղբյուրները փոխանցում են, որ այդպիսով նպատակ կա այլ եկեղեցիները փրկել պղծումից, ինչպես և ամբողջ աշխարհին ցույց տալ, որ մեր հանրության մեջ Հովհաննես Իշխանյանի նման հայրենասեր, ազգային, եկեղեցասեր, վերջապես իրական հայ մարդիկ անհամեմատ շատ են, ու նրանք Հայ առաքելական եկեղեցու կողքին են:
Մանրամասները՝ «Փաստ» օրաթերթի այսօրվա համարում
Մեծ հավանականությամբ Ադրբեջանը Հայաստան է ուղարկել երրորդ երկրի ծագում ունեցող բենզին․ Վահե Դավթյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
Ինչպես և ակնկալում էի` ՀԷՑ-ի մեջ մտնելուն պես կառավարությունը որոշում է մտնել քաղաքացու գրպանը
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել