Քաջալերող ենք համարում ՀՀ-ի խորհրդարանի ընդունած օրենքը ԵՄ-ին անդամակցելու գործընթաց սկսելու մասին
Եվրամիությունը քաջալերող է համարում Հայաստանի խորհրդարանի ընդունած օրենքը Միությանն անդամակցելու գործընթաց սկսելու մասին` նաև այն պատճառով, որ դա Հայաստանի ժողովրդի կամքի արտահայտությունն է։
Բրյուսելում հայ լրագրողների խմբի հետ հանդիպմանն այդ մասին ասել է Եվրամիության ընդլայնման քաղաքականության հարցերով բարձր հանձնակատար Մարթա Կոսը՝ պատասխանելով «Արմենպրես»-ի հարցին այն մասին, թե ինչպես են ԵՄ-ում գնահատում Հայաստանի խորհրդարանի ընդունած օրենքը Եվրամիությանն անդամակցելու գործընթաց սկսելու մասին, և արդյոք հայ պաշտոնյաների հետ քննարկումների ժամանակ ազդակներ ստացել են, որ Հայաստանը պատրաստվում է դիմել ԵՄ անդամության թեկնածուի կարգավիճակ ստանալու համար։
«Այս որոշումը մենք գնահատում ենք որպես շատ քաջալերող, նաև որովհետև դա Հայաստանի ժողովրդի կամքի արտահայտությունն է: Գործընթացը սկսելու նպատակով Հայաստանը պետք է դիմի թեկնածուի կարգավիճակի համար, ինչը դեռ չի արվել, և, իհարկե, անդամ պետությունները պետք է «կանաչ լույս» տան։ Տեսնենք, թե ինչ տեղի կունենա: Նույնիսկ, եթե դա տեղի չունենա, ինչ էլ որ մենք անենք հիմա, կարող է նաև նպաստել եվրոպական ապագային, իսկ երբ ես խոսում եմ եվրոպական ապագայի մասին, դա միայն անդամակցության մասին չէ»,- ասել է Կոսը:
Հայաստանի խորհրդարանը 2025 թվականի մարտին ընդունել է օրենք Եվրամիությանն անդամակցելու գործընթաց սկսելու մասին։ Եվրամիությանը անդամակցության գործընթացի մասին օրենքի նախագիծն Ազգային ժողովում շրջանառվել էր «Եվրաքվե» քաղաքացիական նախաձեռնության միջոցով։ Սահմանված ժամկետում նախաձեռնությանը հաջողվել էր հավաքել 60 հազար ստորագրություն՝ անհրաժեշտ 50 հազարի փոխարեն։
Մեծ հավանականությամբ Ադրբեջանը Հայաստան է ուղարկել երրորդ երկրի ծագում ունեցող բենզին․ Վահե Դավթյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
Ինչպես և ակնկալում էի` ՀԷՑ-ի մեջ մտնելուն պես կառավարությունը որոշում է մտնել քաղաքացու գրպանը
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել