Հայաստանի ընտրություններում ռումինա-մոլդովական սցենարի վտանգի մասին. «Փաստ»
«Փաստ» օրաթերթը գրում է.
ria.ru–ն «Փորձագետը խոսել է Հայաստանի ընտրություններում ռումինական սցենարի վտանգի մասին» վերնագրով հոդվածում գրում է, որ Եվրամիությունը մտադիր է կրկնել մոլդովական և ռումինական սցենարները Հայաստանի 2026 թվականի խորհրդարանական ընտրություններում ներկայիս իշխանությունը պահպանելու համար, երբ սահմանափակվում է ընդդիմության՝ ընտրարշավին մասնակցելը, ria.ru–ին ասել է հայ քաղաքագետ Բենիամին Մաթևոսյանը՝ մեկնաբանելով ԵՄ-ի՝ ընտրություններից առաջ «արտաքին միջամտության» դեմ պայքարելու համար Երևանին միջոցներ հատկացնելու որոշումը։
Հիշեցնենք, որ դեկտեմբերի 2-ին ԵՄ արտաքին գործերի գերագույն ներկայացուցիչ Կայա Կալլասը հայտարարել է, որ ԵՄ-ն Հայաստանին կհատկացնի 15 միլիոն եվրո՝ «կայուն խաղաղության և ավելի դիմացկուն Հայաստանի համար»։ Նրա խոսքով, այդ միջոցները կօգտագործվեն տարբեր նախաձեռնությունների համար, այդ թվում՝ ականազերծման դասընթացների և սարքավորումների, տարածաշրջանում վստահության ամրապնդման միջոցառումների, ինչպես նաև «արտաքին միջամտության բացահայտման, վերլուծության և դրանց արձագանքման համար»։ «Եվրամիությունը մտադիր է Հայաստանում կրկնել այն, ինչ արեց Մոլդովայում և Ռումինիայում։ Մոլդովայում նրանք աջակցեցին իշխանություններին, երբ արգելեցին ամբողջ քաղաքական խմբերի և քաղաքական գործիչների՝ մասնակցել ընտրություններին։ Ռումինիայում նրանք ավելի հեռուն գնացին, նրանք պարզապես չեղյալ հայտարարեցին ընտրությունների արդյունքները, երբ հաղթեց այն սխալ թեկնածուն, ով հավատարմություն չէր ցուցաբերում Բրյուսելի քաղաքականությանը», - հայտարարել է Մաթևոսյանը։
Նա կարծում է, որ նույնը, հավանաբար, նախատեսված է նաև Հայաստանի համար։ «Սա նշանակում է, որ Հայաստանի ներկայիս իշխանությունները աշխարհաքաղաքական քարտ-բլանշ ունեն գործելու իրենց ընտրած ցանկացած ձևով», - ասել է փորձագետը։
Նրա խոսքով, ուշագրավ է նաև այն, որ Հայաստանի իշխանությունները աջակցություն ունեն ոչ միայն պաշտոնական Բրյուսելից, այլ նաև պաշտոնական Բաքվից և Անկարայից, և նրանց նախընտրական շրջանում կտրամադրվեն տարբեր բոնուսներ։ «Նման բոնուսներից մեկը, օրինակ՝ ադրբեջանական վառելիքի տարանցումն է Վրաստանի միջով դեպի Հայաստան։ Այլ կերպ ասած՝ Թուրքիայի, Ադրբեջանի և Բրյուսելի գործոնները կարևորագույն նշանակություն կունենան Հայաստանում կայանալիք ընտրությունների ժամանակ», - ընդգծել է քաղաքագետը։
Մանրամասները՝ «Փաստ» օրաթերթի այսօրվա համարում
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Բեյջի թելերից ավելի ուշագրով գնումներ էլ են եղել
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Վարդան Ջհանյան․ Հայաստանի հանքարդյունաբերության նկատմամբ միջազգային հետաքրքրությունն աճում է
Այն մասին, թե ինչպես են Հայաստանի քաղաքացիները ստիպված լինելու ապահովել իրենց ընտանիքների անվտանգութ...