«Առուն դեռ չթռած ասել են հոպ». 32 մլն դրամ՝ դեռեւս չհաստատված ապահովագրության ծրագրի համար
«Ժողովուրդ» օրաթերթը գրում է. «Առողջապահության նախարարությունը սեպտեմբերին երբ դեռ չէր հաստատվել «Առողջապահության համապարփակ ապահովագրության» նախագիծը միլիոնավոր դրամների գնումներ է կատարել չեղած բանի համար։
Սեպտեմբերին Առողջապահության նախարարությունը պայմանագիր է կնքել Դոմինո Վիդեո Փրոդաքշն ՍՊԸ-ի հետ Առողջության համապարփակ ապահովագրության հիմնադրամի ապրանքանիշի ձևավորման՝ բրենդինգի համար։ Պայմանագիրն արժեցել է 32 մլն 760 հազար դրամ։
Պայմանագրով սահմանվել է՝ ստեղծել ամբողջական բրենդային պատկերի համակարգ, որը կներառի անվանումը (բրենդ նեյմինգ), լոգոտիպ, ֆիրմային ոճ (գունապնակ, տառատեսակը, գրաֆիկան և այլն)։
Հետաքրքիրն այն է, որ սեպտեմբերին, երբ դեռ ԱԺ-ն քննում էր չարչրկված այդ նախագիծը, այն ընդունելու հեռանկարի մասին վաղ էր խոսելը։
ԱԺ հանձնաժողովում քննարկելուց, ԱԺ-ի կողմից հաստատվելուց և կառավարության նիստերում արդարանալուց հետո Ավանեսյանի ջանքով հունվարի 1-ից սկսեց «գործել» առողջապահության ապահովագրության ծրագիրը այն էլ առանց համապատասխան հիմնադրամի և առանց համապատասխան աշխատակազմի։
Ստացվում է, որ Անահիտ Ավանեսյանը կառավարության գլխավորությամբ «առուն դեռ չթռած ասել են հոպ». կատարել են պետական գնումներ այն էլ մեկ անձից՝ հուսալով և հոգու խորգում համոզված լինելով, որ եթե այն ամենավատ նախագիծն էլ լինի, միևնույնն է, ԱԺ-ն կհաստատի։
Հիշեցնենք, որ «Առողջության համապարփակ ապահովագրության» համար նախատեսված էր 18 միլիարդ դրամ, բայց քանի որ 2024 թվականին այն չի ներդրվել, ապա գումարը չի ծախսվել այդ ուղղությամբ։ Այս մասին Ազգային ժողովում «Բյուջե-2025»-ի նախագծի նախնական քննարկման ժամանակ ասաց ՀՀ ֆինանսների նախարարը։
«2026 թվականին առողջապահության նախարարությանը նախատեսվում է հատկացնել 210 մլրդ 911 մլն դրամ: Այն 2025 թվականի համեմատ ավելի է 44 մլրդ 313 մլն դրամով՝ պայմանավորված հաջորդ տարի առողջության համընդհանուր ապահովագրության համակարգի ներդրմամբ»,- այս մասին ԱԺ մշտական հանձնաժողովների բյուջետային համատեղ նիստում տեղեկացրեց Ֆինանսների նախարար Վահե Հովհաննիսյանը։ Նախարարը նաև հավելեց, որ պետական բյուջեով 127 մլրդ դրամ է նախատեսված առողջության ապահովագրության ներդրման համար»։
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Բեյջի թելերից ավելի ուշագրով գնումներ էլ են եղել
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Վարդան Ջհանյան․ Հայաստանի հանքարդյունաբերության նկատմամբ միջազգային հետաքրքրությունն աճում է
Այն մասին, թե ինչպես են Հայաստանի քաղաքացիները ստիպված լինելու ապահովել իրենց ընտանիքների անվտանգութ...