Բրատիսլավայում ձևավորվել է Հայ առաքելական եկեղեցու պաշտպանության միջազգային ճակատը. «Փաստ»
«Փաստ» օրաթերթը գրում է.
«Փաստ» թերթի տեղեկություններով, հունվարի 16-ին Բրատիսլավայում կայացել է Հայ առաքելական եկեղեցու և Քրիստոնեության պաշտպանության կոմիտեի առաջին նիստը, որը դիտարկվում է որպես Հայաստանի ներսում Եկեղեցու դեմ աճող ճնշումներին միջազգային համակարգված հակազդեցության մեկնարկ։ Նիստը անցկացվել է հիբրիդային ձևաչափով։ Այն վարել են կոմիտեի նախագահ, Եվրոպայի Հայկական միությունների ֆորումի և Վիեննայի ակումբի նախագահ, դոկտոր Աշոտ Գրիգորյանը, միջազգային ճանաչում ունեցող իրավաբան Ռոբերտ Ամստերդամը և Սլովակիայի նախկին վարչապետ Յան Չարնոգուրսկին։
Մեր տեղեկություններով, նիստի ընթացքում քննարկումները կրել են փակ, գործնական բնույթ, և շեշտը դրվել է ոչ թե հայտարարությունների, այլ կոնկրետ գործողությունների վրա։ Առանձին անդրադարձ է եղել Հայաստանում քաղաքական հետապնդման ենթարկված բարձրաստիճան հոգևորականների հարցին, որոնց անհապաղ ազատ արձակման պահանջը կոմիտեն դիտարկում է որպես առաջնահերթություն։
Ռուսաստանում Հայ առաքելական եկեղեցու ներկայացուցիչ Նորին Սրբություն Հայր Հովհաննեսը առցանց ելույթում նշել է, որ Գարեգին Բ Ամենայն Հայոց Կաթողիկոսի առաջնորդությամբ Եկեղեցին գործում է բացառապես կանոնական դաշտում, իսկ ներկայիս ճնշումները դուրս են ներեկեղեցական քննարկումների շրջանակից և ունեն համակարգային բնույթ։
«Փաստի» աղբյուրները հայտնում են, որ Ռոբերտ Ամստերդամը ներկայացրել է արդեն ձևավորվող միջազգային քայլերի փաթեթը, որը ներառում է ԵԱՀԿ-ի, Եվրոպական միության և Եվրոպայի խորհրդի հարթակներում հարցի բարձրացում, եվրոպական երկրների ղեկավարներին ուղղված պաշտոնական դիմումներ, ինչպես նաև դատական գործընթացների նախապատրաստում ազգային և միջազգային ատյաններում։ Քննարկվել է նաև Սուրբ Աթոռին դիմելու նախաձեռնությունը՝ Հայ առաքելական եկեղեցին որպես աշխարհի առաջին քրիստոնեական եկեղեցի պաշտպանելու կոչով։
ԱՄՆ-ում ևս նախատեսվում է ակտիվ աշխատանք։ Դոնալդ Թրամփի երկարամյա գործընկեր Գվիդո Լոմբարդին հայտնել է, որ հարցը առաջիկայում կտեղափոխվի ամերիկյան քաղաքական և միջկրոնական հարթակներ, այդ թվում՝ Վաշինգտոնում նախատեսվող միջազգային համաժողովի շրջանակում։
Նիստի ավարտին կոմիտեն որոշում է ընդունել համակարգված կերպով միջազգային հանրությանը տեղեկացնել Հայաստանում Հայ առաքելական եկեղեցու և քրիստոնյաների շուրջ ստեղծված իրավիճակի մասին։
Մանրամասները՝ «Փաստ» օրաթերթի այսօրվա համարում
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Բեյջի թելերից ավելի ուշագրով գնումներ էլ են եղել
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան