4000 խմ փայտանյութով 280 մլն դրամի վնաս են հասցրել. դատախազը քնեցնում է գործը. «Ժողովուրդ»
«Ժողովուրդ» օրաթերթը գրում է. ««Ժողովուրդ» օրաթերթը գրավոր հարցում էր ուղարկել ՀՀ գլխավոր դատախազ Աննա Վարդապետյանին՝ բարձրացնելով Գյումրու մաքսային հսկողության գոտում տեղի ունեցած հնարավոր խոշոր չարաշահումների հարցը։
Հարցման մեջ «Ժողովուրդ»-ը նշել էր, որ 2022–2024 թվականների ընթացքում ՀՀ ներմուծված յուրաքանչյուր բեռնարկղում կամ ֆուռում առկա է եղել 3 և ավելի ավտոմեքենա, իսկ բեռնաթափման ժամանակ յուրաքանչյուր բեռնարկղից դուրս է բերվել նաև փայտանյութ։
Ըստ մեզ հասած տվյալների՝
նշված ժամանակահատվածում Գյումրու մաքսային հսկողության գոտուց դուրս է բերվել շուրջ 4000 խորանարդ մետր փայտանյութ,
որի արժեքը կազմել է մոտ 280.000.000 ՀՀ դրամ։
«Ժողովուրդ»-ը հարցմամբ հետաքրքրվել էր՝
արդյոք հիշյալ փաստով որևէ կառույցից հաղորդում ներկայացվել է, կա՞ արդյոք քրեական վարույթ,
և ի՞նչ փուլում է այն գտնվում։
Պաշտոնական պատասխանն արդեն իսկ ստացել ենք։
ՀՀ գլխավոր դատախազությունից «Ժողովուրդ»-ին հայտնել են, որ նշված դեպքով նախաձեռնվել է քրեական վարույթ։
Մասնավորապես, պատասխան գրության մեջ նշվում է․
«Քրեական օրենսգրքի 441-րդ հոդվածի 2-րդ մասի 2-րդ և 4-րդ կետերով 2025 թվականի մարտի 14-ին նախաձեռնվել է քրեական վարույթ»։
Նշված հոդվածը վերաբերում է պաշտոնատար անձի կողմից իր ծառայողական լիազորություններն անցնելուն, ինչը ծանրացնող հանգամանքների առկայության դեպքում կարող է հանգեցնել լուրջ քրեական պատասխանատվության։
Հիշեցնենք, որ «Ժողովուրդ»-ի հարցման մեջ շեշտադրվել էր՝ ՀՀ ՊԵԿ պաշտոնատար անձանց կողմից իրենց լիազորությունները անցնելու միջոցով ՀՀ ՊԵԿ տնօրինման տակ գտնվող գույքը դուրս է բերվել մաքսային հսկողության գոտուց, ինչի արդյունքում պետության օրինական շահերին պատճառվել է առանձնապես խոշոր չափերով գույքային վնաս։ Թե կոնկրետ որ պաշտոնատար անձանց գործողություններն են քննության առարկա, թե արդյոք կան կասկածյալներ կամ մեղադրյալներ, դատախազությունն այս փուլում չի մանրամասնում։ Նկատենք, որ այս գործը անցած տարվա մարտից քննում են, քննում են, ու մեղադրյալների շրջանակը չի հստակեցվում։ Հետաքրքիր է, թե ում են փորձում փրկել իրավապահները։
«Ժողովուրդ» օրաթերթը շարունակում է հետևել գործի ընթացքին և առաջիկայում կներկայացնի նոր տեղեկություններ՝ միայն փաստերի և պաշտոնական աղբյուրների հիման վրա»։
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
Կորոտան առաջին ամպրոպները․ Գագիկ Սուրենյանը նոր տեսանյութ է հրապարակել
ԱՄՆ-ն «բանակցում է» Իրանի առաջնորդների հետ պատերազմին վերջ դնելու համար. Թրամփ
Ցեղասպանության թանգարանի տնօրենի ԺՊ-ն Ադրբեջանի հետ գաղտնի բանակցություն վարողներից է. «Հրապարակ»
«Կլինիկական մահ» ախտորոշմամբ ԲԿ է տեղափոխվել 1 տարեկան երեխա․ նրան ծեծի է ենթարկել ծնողներից մեկը
Երիտասարդն ասել է՝ ինչու էր հրավառ շշեր նետել ԱԱԾ շենքի ուղղությամբ․ մանրամասներ. «Ժողովուրդ»
ԱՄՆ-ն Եվրոպայից տեղափոխել է Patriot հակահրթիռային համակարգերը Մերձավոր Արևելք
Երևանում օտարերկրացի կինը հարվածել է իր 3-ամյա երեխային, մահճակալից գցել հատակին և քարշ տվել
«Փակ վիճակում են բերել, դա ինձ տանջում է մինչ օրս. գոնե վերջին անգամ համբուրեի, ասեի գնաս բարով, իմ ...
Երբ նայում ես «խաղաղության» կոնտեքստին, հասկանում ես, որ Մեծ Եղեռնը վերջին «եթերաշրջանը» կունենա