Հյուսիսային Եվրոպայի ամենամեծ արևային–կուտակման մարտկոցային պարկն է շահագործման հանձնվել Դանիայում

Դանիան հասել է վերականգնվող էներգիայի զարգացման կարևոր հանգրվանի շահագործման հանձնելով Հյուսիսային Եվրոպայի ամենամեծ արևային– կուտակման մարտկոցային պարկը, որի ընդհանուր պահեստավորման հզորությունը կազմում է 200,000 կիլովատտ-ժամ, գրում է naked-science.ru–ն։

Կառույցը գտնվում է Վիբորգում, որը երկրի երկրորդ ամենամեծ նահանգն է։ Կվոստեդ համալիրը մեծ մարտկոցային համակարգ է ինտեգրված այն գործող արևային պարկի մեջ, որը գործում է 2022 թվականից։ Նախագիծը ներկայացրել է «European Energy»-ն, որը ցամաքային և ծովային քամու և արևային էներգիայի լուծումների դանիական մշակող ընկերություն է։ Ինտեգրված մարտկոցային մոդուլները թույլ են տալիս էլեկտրաէներգիա կուտակել արևային բարձր արտադրողականության ժամանակահատվածներում և հետագայում այն վերադարձնել ցանցին, երբ արտադրությունը նվազում կամ լիովին դադարում է։

«European Energy»-ի տեխնոլոգիական զարգացման ղեկավար Մադս Լիկե Անդերսենը նշել է, որ «Kvosted» արևային մարտկոցային պարկի շահագործման հանձնումը նշանավորում է ընկերության կողմից այս նոր տեխնոլոգիայի լայնածավալ ներդրման սկիզբը։

Էներգիայի կուտակման մարտկոցային համակարգը նախատեսված է ցանցի կայունությունն ապահովելու համար։ Բարձր արեգակնային ակտիվության օրերին արևային էլեկտրակայանները արդեն իսկ կարող են ծածկել երկրի էլեկտրաէներգիայի կարիքների ավելի քան 60%-ը։ Միևնույն ժամանակ, վերականգնվող էներգիայի աղբյուրների աճող մասնաբաժինը մեծացնում է կուտակիչ համակարգերի անհրաժեշտությունը, որոնք կարող են հավասարակշռել արտադրությունը անկայուն արտադրության ժամանակ և ապահովել էներգամատակարարումը մութ ժամանակահատվածներում։

200,000 կիլովատտ-ժամ հզորությամբ մարտկոցային պարկը կարող է կուտակել բավարար էլեկտրաէներգիա մոտավորապես 18,000 տնային տնտեսությունների միջին օրական սպառումը ծածկելու համար։ Այս հզորությունը հարթեցնում է էլեկտրաէներգիայի արտադրության տատանումները և նպաստում է էլեկտրաէներգետիկ ցանցի կայունությանը։

Ամբողջ նախագիծը՝ ներառյալ մարտկոցների տեղադրումը, արևային պարկի և ցանցի հետ էլեկտրական ինտեգրումը, ինչպես նաև դրանց հետ կապված ենթակառուցվածքների ստեղծումը, արդեն իսկ ավարտվել է։ Շինարարությունը տևել է ընդամենը յոթ ամիս։

Հայաստանում արևային պանելներ արտադրող առաջին և միակ ընկերությունը Սոլարոնն է։

Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]