Ալկոհոլ օգտագործածներին բուժօգնություն չցուցաբերելու դեպքով ՄԻՊ-ը սպասում է . «Ժողովուրդ»
«Ժողովուրդ» օրաթերթը գրում է. «Այս տարվա փետրվարի 3-ին երկու քաղաքացի շտապօգնությամբ տեղափոխվել էին հիվանդանոց, սակայն չէին հոսպիտալացվել։ Պաշտոնական հիմնավորումը՝ ալկոհոլի ազդեցություն։ Իսկ մարդու իրավունքների պաշտպանը՝ իրավական գնահատականի փոխարեն, սահմանափակվում է նամակներ ուղարկելով։
«Ժողովուրդ» օրաթերթի հարցմանն ի պատասխան՝ ՀՀ մարդու իրավունքների պաշտպանի գրասենյակից հայտնել են, որ Երևանի «Արմենիա» բժշկական կենտրոնում արձանագրված միջադեպը ուսումնասիրվել է մեր դիմումից հետո։
Մինչդեռ ալկոհոլ օգտագործած լինելու հանգամանքը ինքնին չի կարող հանդիսանալ բուժօգնությունից հրաժարվելու օրինական հիմք, հատկապես՝ շտապօգնության միջոցով տեղափոխման պարագայում։
ՄԻՊ-ից հայտնել են, որ բժշկական կենտրոնից պահանջվել է պարզաբանում, ստացված տեղեկատվությունն ընդունվել է ի գիտություն, ինչպես նաև հարցի առնչությամբ գրություն է ուղարկվել ՀՀ առողջապահության նախարարություն։ Այժմ սպասվում է նախարարության պատասխանը։
Այսպիսով, օմբուդսմենի արձագանքը տվյալ փուլում սահմանափակվել է նամակագրությամբ։ Սակայն հանրային հնչեղություն ունեցող այս հարցում դեռ չկա հստակ դիրքորոշում՝ խախտվե՞լ է արդյոք առողջության պահպանման իրավունքը, անհետաձգելի բուժօգնության մատչելիությունը, կամ առկա՞ է խտրական վերաբերմունք, թե ոչ։
Փաստացի արձանագրված է, որ ալկոհոլ օգտագործած քաղաքացիներին հիվանդանոցային բուժօգնություն չի տրամադրվել։ Իսկ ՄԻՊ-ի ինստիտուտը, որը պետք է հանդես գա որպես մարդու իրավունքների պաշտպանության անկախ երաշխավոր, այս փուլում սահմանափակվում է միջնորդավորված հաղորդակցությամբ։ Բայց օմբուդսմենից հանրային ակնկալիքը վստահաբար նամակագրությունը չէ»։
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
Կորոտան առաջին ամպրոպները․ Գագիկ Սուրենյանը նոր տեսանյութ է հրապարակել
ԱՄՆ-ն «բանակցում է» Իրանի առաջնորդների հետ պատերազմին վերջ դնելու համար. Թրամփ
«Կլինիկական մահ» ախտորոշմամբ ԲԿ է տեղափոխվել 1 տարեկան երեխա․ նրան ծեծի է ենթարկել ծնողներից մեկը
Ցեղասպանության թանգարանի տնօրենի ԺՊ-ն Ադրբեջանի հետ գաղտնի բանակցություն վարողներից է. «Հրապարակ»
Երիտասարդն ասել է՝ ինչու էր հրավառ շշեր նետել ԱԱԾ շենքի ուղղությամբ․ մանրամասներ. «Ժողովուրդ»
Երևանում օտարերկրացի կինը հարվածել է իր 3-ամյա երեխային, մահճակալից գցել հատակին և քարշ տվել
ԱՄՆ-ն Եվրոպայից տեղափոխել է Patriot հակահրթիռային համակարգերը Մերձավոր Արևելք
«Փակ վիճակում են բերել, դա ինձ տանջում է մինչ օրս. գոնե վերջին անգամ համբուրեի, ասեի գնաս բարով, իմ ...
Երբ նայում ես «խաղաղության» կոնտեքստին, հասկանում ես, որ Մեծ Եղեռնը վերջին «եթերաշրջանը» կունենա