Աննա Վարդապետյանը պատրաստվում է 2025-ի հաշվետվությանը. «Ժողովուրդ»
«Ժողովուրդ» օրաթերթը գրում է. ««Ժողովուրդ» օրաթերթը տեղեկացավ, որ ՀՀ գլխավոր դատախազը և նրա տեղակալները ակտիվ կերպով մարզեր և Երևան քաղաքի տարբեր դատախազություններ են այցելում, հանդիպում դատախազների հետ։ Գլխավոր դատախազության այս այցերի նպատակը այն է, որ Գլխավոր դատախազ Աննա Վարդապետյանը պետք է ներկայանա ՀՀ Ազգային ժողով և ներկայացնի Գլխավոր դատախազության 2025 թվականի գործունեության մասին հաշվետվությունը։
Այս պատկերին զուգահեռ ՔՊ-ում հիշել են Վարդապետյանի 2025 թվականին կայացած տարեկան հաշվետվությունը, թե ինչ մթնոլորտում այն անցավ։
Հիշեցնենք, որ 2025 թվականին Ազգային ժողովում իր տարեկան հաղորդումը ներկայացնող դատախազ Վարդապետյանը կտրուկ ու չոր պատասխաններ էր տվել հարցերին՝ անբովանդակ, հարուցելով ՔՊ-ականների դժգոհությունը և դառնալով նրանց համար նոր թիրախ։
Պատգամավորները դժգոհել էին, որ դատախազը ոչ մի պատգամավորի կոնկրետ հարցի շոշափելի պատասխան չէր տվել։ Ավելին, նրա չոր, նույնիսկ արհամարհական ոճն այնքան էր բարկացրել ՔՊ պատգամավորներին, որ ՔՊ-ականների համար տարբեր սենյակներում Վարդապետյանի պահվածքն ակտիվ քննարկման թեմա էր դարձել։
Ինչ է սպասվում այս տարի, դեռ վաղ է ասել։ Դատախազը ընդհուպ Ամենայն Հայոց Կաթողիկոսին մեղադրանք առաջադրեց, ուստի գուցե շատ բաներ նրան ներվեն իշխող թիմի կողմից»։
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...