Ով էր հարձակվել ԱԺ նախկին պատգամավոր Անի Սամսոնյանի վրա. դատախազի անգործության հետևանքը. «Ժողովուրդ»
«Ժողովուրդ» օրաթերթը գրում է. ««Ժողովուրդ» օրաթերթի տեղեկություններով՝ ԱԺ նախկին պատգամավոր, հանրային գործիչ Անի Սամսոնյանին ամիսներ շարունակ մի տղամարդ է հետապնդել, պոռնոգրաֆիկ նյութեր ուղարկել, գիշերները զանգել է և բացահայտ սպառնալիքներ հնչեցրել նրա հասցեին։
«Ժողովուրդ» օրաթերթին հայտնի դարձած փաստերը արդեն հասել են ՀՀ գլխավոր դատախազություն և կարող են վերաճել միջազգային իրավական համագործակցություն պահանջող քրեական վարույթի։
«Ժողովուրդ» օրաթերթը տեղեկացավ, որ դեռ մեկ ամիս առաջ Անի Սամսոնյանը հաղորդում է ներկայացրել ՀՀ գլխավոր դատախազ Աննա Վարդապետյանին՝ նշելով, որ 2025 թվականի հուլիսից ի վեր ենթադրաբար ենթարկվում է համակարգված հետապնդման Աղջնակ Թովմասյան անունով անձի կողմից։
Դիմումատուի փոխանցմամբ՝ նույն անձը ներկայանում է տարբեր անուններով՝ «Vaxinak», «Vaxo Tovmasyan», «Vahe Avetisyan», «Vaxo Vahe»։ Ըստ Սամսոնյանի՝ իրեն հասանելի տեղեկություններով, տվյալ անձը հանդիսանում է Նիդերլանդների Թագավորության քաղաքացի։
Ենթադրյալ հետապնդողը բազմիցս այցելել է իր աշխատավայր և բնակության վայր, հետևել է իրեն հանրային տարածքներում, կատարել է բազմաթիվ հեռախոսազանգեր, այդ թվում՝ ուշ գիշերային ժամերին։ Նշվում է նաև, որ ուղարկվել են սպառնալիք պարունակող հաղորդագրություններ և պոռնոգրաֆիկ բնույթի նյութեր՝ ներառյալ բացահայտ լուսանկարներ։
Վերջին օգտագործված հեռախոսահամարը, որով, ըստ հաղորդման, կապ է հաստատվել, եղել է +374 91 527994։
Իրավապահներին ներկայացվել է նաև տվյալ անձի լուսանկարը՝ նույնականացման նպատակով։
Դատախազությունը շուրջ մեկ ամիս որևէ բան չի արել։ Իսկ արդեն փետրվարի 18-ին տվյալ անձը ներխուժել է Անի Սամսոնյանի աշխատասենյակ, կրկին սպառնալիքներ հնչեցրել, փորձել է հարձակվել Սամսոնյանի վրա, վերջինս էլ ինքնապաշտպանվել է։
Այնուհետև Սամսոնյանը դիմել է ոստիկանություն, հաղորդում ներկայացրել, դատարանը քննել է ու այդ անձին տնային կալանք տվել։ Բայց Սամսոնյանը դեռ մտահոգված է, քանի որ այդ անկանխատեսելի անձը կրկին կարող է հայտնվել այնտեղ, որտեղ ինքն է լինում, ու կրկին հարձակվել իր վրա։
«Ժողովուրդ» օրաթերթը ՀՀ-ում Նիդերլանդների դեսպանությունից փորձել է հետաքրքրվել նշված անձի մասին ու պարզել, արդյոք այդ քաղաքացին հետախուզման մեջ է գտնվում․
• արդյոք նշված անուններով հանդես եկող անձը հանդիսանում է Նիդերլանդների քաղաքացի,
• օրենքով թույլատրելի սահմաններում տրամադրել նույնականացնող տվյալներ,
• պարզաբանել՝ արդյոք տվյալ անձը հետախուզման մեջ է կամ հանդիսանում է որևէ ընթացիկ քրեական վարույթի սուբյեկտ Նիդերլանդներում։
Դիմումում ընդգծվում է, որ խնդիրը կարող է առնչվել հանրային և քաղաքական գործչի անվտանգության հետ և ունի հանրային հետաքրքրություն։
Դեսպանությունը, սակայն, հրաժարվում է մեկնաբանել։
«Ժողովուրդ» օրաթերթին փոխանցվել է նաև Նիդերլանդների Թագավորության դեսպանության պատասխանը, որտեղ նշված է․
«Սա տեղական ոստիկանության իրավասության գործ է, ուստի խնդրում ենք Ձեր հարցերն ուղղել նրանց։ Որպես ընդհանուր կանոն՝ Նիդերլանդների Թագավորության դեսպանությունները երբեք չեն մեկնաբանում մամուլի համար առանձին դեպքեր»։
Այսպիսով, դիվանագիտական կառույցը գործը համարել է բացառապես տեղական իրավապահ մարմինների իրավասության տիրույթում և հրաժարվել է հրապարակային մեկնաբանությունից։
Դատախազության պատասխանատվության գոտում
Ներկայացված փաստերի պարագայում խոսքը կարող է վերաբերել ոչ միայն հետապնդման և սպառնալիքների, այլև անձնական կյանքի անձեռնմխելիության խախտման և պոռնոգրաֆիկ նյութերի ապօրինի տարածման հնարավոր հանցակազմերին։
Հատկանշական է նաև, որ, ըստ դիմումատուի, թիրախը կին հանրային գործիչ է։ Սա լրացուցիչ պարտավորություն է դնում իրավապահների վրա՝ բացառելու սեռով պայմանավորված ճնշման կամ վախեցման որևէ դրսևորում և ապահովելու գործի օբյեկտիվ, արագ և թափանցիկ քննություն։
Գործի զարգացումը կարող է ցույց տալ՝ արդյոք իրավական համակարգը պատրաստ է արդյունավետ արձագանքել սահմանանցանց հետապնդման, կիբերհարձակման և հնարավոր միջպետական բնույթի գործերին, թե այն կմնա հերթական չպարզաբանված պատմությունների շարքում։
«Ժողովուրդ» օրաթերթը կհետևի դատախազության արձագանքին և պատրաստ է հրապարակել նաև հակառակ կողմի դիրքորոշումը»։
Առաջիկա օրերին էլեկտրաէներգիայի անջատումներ են սպասվում․ ՀԷՑ-ը հասցեներ է հրապարակել
Սանիտարական ավիացիա՝ կյանքեր փրկելու համար․ Հայաստանին անհրաժեշտ է առնվազն 10 բժշկական ուղղաթիռ․ Հրա...
«Հողագործը պետք է վերադառնա հողին». գյուղի դատարկումն ու հողերի անապատացումը՝ ազգային անվտանգության ...
Չեմ խնդրելու ինձ ընտրել, բայց պատրաստ եմ աշխատել բոլորիդ հետ. Դավիթ Ղազինյան
Ինչո՞ւ պետք է վարսահարդարի հարկը բարձրանա, իսկ ձեր սրտի օլիգարխներն ազատվեն հարկերից. Իրինա Յոլյան
Իմ ստեղծածը փորձում են ներկայացնել որպես անարդար ունեցվածք. Ծառուկյանի ուղերձը ՔԿՀ-ից
Ավետիք Չալաբյանի նման կիրթ, ընկերասեր, ընտանիքին նվիրված քաղաքացու կերպար բոլոր երկրները կերազեն ուն...
Պարոն Ֆարմանյանին մի´ վերագրեք այնպիսի լիազորություններ, որոնք վերագրելի են Ձեր ցուցակում ներառված ա...
Ֆինանսների աշխարհի գաղտնիքները՝ «Հայորդի» ճամբարում․ Idram&IDBank
Պետական համակարգը օգտագործվում է որպես պատժիչ մահակ քաղաքականապես ակտիվ գործիչների համար. Նարե Սիմոն...