ՊԵԿ-ը հրաժարվեց բացահայտել բռնագրավված պարաֆինի ճակատագիրը․ «Ժողովուրդ»
«Ժողովուրդ» օրաթերթը գրում է. ««Ժողովուրդ» օրաթերթը պաշտոնական հարցմամբ դիմել էր Պետական եկամուտների կոմիտե՝ պարզելու նախկինում Հայաստանի Հանրապետություն ներմուծված պարաֆինի խոշոր խմբաքանակի պատմությունը, որը, տարբեր տեղեկությունների համաձայն, բռնագրավվել էր ՊԵԿ նախկին նախագահ Ռուստամ Բադասյանի պաշտոնավարման օրոք։
Մասնավորապես, խմբագրությունը փորձել էր պարզել մի շարք առանցքային հարցեր՝ երբ և ում կողմից է տվյալ պարաֆինը ներմուծվել Հայաստան, ինչ ծավալով է եղել այն, ո՞ր ընկերությունն է եղել ներմուծողը, ինչ հիմքով է այն բռնագրավվել՝ վարչական վարույթի, քրեական գործի, թե մաքսային այլ խախտման շրջանակում։
«Ժողովուրդ» օրաթերթը նաև հետաքրքրվել էր՝
• ո՞ր որոշմամբ և ե՞րբ է իրականացվել բռնագրավումը,
• որտե՞ղ և ի՞նչ պայմաններում է պահեստավորվել պարաֆինը,
• ի՞նչ է եղել դրա հետագա ճակատագիրը՝ վաճառք աճուրդով, ոչնչացում, վերադարձ ներմուծողին, թե այլ որոշում։
Եթե իրականացվել է վաճառք, ապա խնդրել էինք ներկայացնել նաև վաճառքի ամսաթիվը, գինը և գնորդի տվյալները։ Իսկ եթե ապրանքը ոչնչացվել է՝ ոչնչացման ակտի վերաբերյալ տեղեկությունները։
Բացի այդ, հարցման մեջ ընդգծվել էր ևս մեկ կարևոր հանգամանք՝ արդյոք տվյալ դեպքի առնչությամբ հարուցվել է քրեական վարույթ, և եթե այո՝ ինչ ընթացք ունի այն, ինչպես նաև՝ պետական բյուջե մուտքագրվե՞լ են արդյոք միջոցներ տվյալ խմբաքանակի իրացման արդյունքում։
Սակայն Պետական եկամուտների կոմիտեն, ըստ էության, հրաժարվել է պատասխանել հարցերին։
ՊԵԿ-ից «Ժողովուրդ» օրաթերթին տեղեկացրել են, որ ԵԱՏՄ մաքսային օրենսգրքի 356-րդ հոդվածի 2-րդ մասի համաձայն մաքսային մարմինները և դրանց պաշտոնատար անձինք իրավունք չունեն հրապարակելու կամ փոխանցելու տեղեկատվություն, որը կարող է պարունակել պետական, առևտրային, հարկային, բանկային կամ օրենքով պահպանվող այլ գաղտնիք։
ՊԵԿ-ի պարզաբանմամբ՝ նման տեղեկատվությունը չի կարող տրամադրվել, բացառությամբ այն դեպքերի, որոնք նախատեսված են նույն օրենսգրքով կամ միջազգային պայմանագրերով։
Այլ կերպ ասած՝ պետական մարմինը չի հրապարակել ո՛չ ներմուծողի տվյալները, ո՛չ բռնագրավման իրավական հիմքը, ո՛չ էլ ապրանքի հետագա ճակատագրի վերաբերյալ որևէ տեղեկություն։
Մինչդեռ հարցը հանրային հետաքրքրության առարկա է․ խոսքը վերաբերում է Հայաստան ներմուծված խոշոր խմբաքանակի ապրանքի ճակատագրին, որի իրացման կամ ոչնչացման դեպքում, տեսականորեն, կարող էին պետական բյուջե մուտքագրվել զգալի գումարներ։
«Ժողովուրդ» օրաթերթը շարունակում է ուսումնասիրել թեման և առաջիկայում կներկայացնի նոր մանրամասներ պարաֆինի այս պատմության վերաբերյալ»։
Մոսկվայում մայիսի 9-ին կայանալիք Հաղթանակի շքերթը կանցկացվի առանց ռազմական տեխնիկայի շարասյան
Ադրբեջանական կողմից նախապատրաստվել և առաջ են մղվում անհիմն ու արհեստական թեզեր․ փորձագետ
Սամվել Ալեքսանյանը 350 հազար կիլոգրամ գոմեշի միս է ներկրելու Հնդկաստանից․ Կառավարությունից աջակցությ...
Մեքսիկայում ձերբակալել են թմրաբարոնի, որին բռնելու համար ԱՄՆ-ն 5 միլիոն դոլար էր խոստացել
Թափանցիկության բացակայություն՝ ադրբեջանական պատվիրակության այցի շուրջ. «Ժողովուրդ»
Երևանում՝ Ռուսաց լեզվի օրերի շրջանակներում անցկացվեց թատերական փառատոն
Որպես Փաշինյանին օգնություն Ալիևն ուզում է մինչև ընտրություն գերիների մի մասին վերադարձնել. Hraparak
Արցախցի գործարարը, որին հյուրընկալվեց Փաշինյանը, առնչվում է փողերի լվացման գործին. «Ժողովուրդ»
Եկեղեցում երիտասարդին հարվածած Փաշինյանի թիկնապահին արգելել են հանրային վայրերում երևալ. «Ժողովուրդ»
ՊԵԿ-ը բացահայտել է խոշոր չափերի` կանխիկ 72,6 մլն ռուսական ռուբլու ներկրման դեպքեր