Հիմնանորոգվում է Արարատի մարզով անցնող Ներքին Չարբախ-Դարակերտ-Դաշտավան ճանապարհի մի հատվածը

ՀՀ պետական բյուջեի միջոցներով հիմնանորոգվում է Արարատի մարզով անցնող Տ-2-3, Ներքին Չարբախ-Դարակերտ-Հ-13 (Դաշտավան) տեղական նշանակության ավտոճանապարհի 2.2կմ հատվածը։ Այս մասին NEWS.am–ին հայտնում է Ճանապարհային դեպարտամենտը։

Ճանապարհին այս պահին կատարվում են ջրահեռացման վաքերի տեղադրման, ջրթող կամրջակի նորոգման աշխատանքներ։

Կհիմնանորոգվի 7-7.5մ լայնություն ունեցող երթևեկելի մասը։ Ըստ նախագծի՝ կկառուցվեն մայթեր, կնորոգվեն իջատեղերն ու մուտքերը, ճանապարհին առկա արհեստական կառուցվածքները։

Կկատարվեն նաև այլ աշխատանքներ։