Ucom-ը հայտարարում է ածխածնային հետքի կառավարման ծրագրի մեկնարկի մասին
Ucom-ը՝ «Արևորդի» ՀԿ-ի հետ համագործակցությամբ, հայտարարում է բնապահպանական կայունության ուղղությամբ հերթական կարևոր քայլի մասին՝ մեկնարկելով իր գլխամասային գրասենյակի ածխածնային հետքի համապարփակ գնահատման ծրագիրը։ Այն հիմնված է ջերմոցային գազերի հաշվառման միջազգային ստանդարտի վրա (GHG Protocol)։
Այս նախաձեռնությունը ձևավորվում է այն համատեքստում, երբ կլիմայական փոփոխությունները, կենսաբազմազանության կորուստը և բնական ռեսուրսների սպառումը դարձել են ոչ թե ապագայի, այլ ներկայի մարտահրավերներ։
«Ucom-ում մենք հավատում ենք, որ տեխնոլոգիական ընկերությունները պետք է առաջնորդեն բնապահպանական նախաձեռնությունները՝ նպաստելով Հայաստանում ավելի պատասխանատու և կայուն ապագայի ձևավորմանը։ Որպես կանաչ ընկերություն, մենք պատրաստվում ենք գնահատել և հնարավորինս նվազեցնել մեր ընկերության ազդեցությունը շրջակա միջավայրի վրա։ Մենք բնապահպանական կայունությունը դիտարկում ենք ոչ թե որպես առանձին նախաձեռնություն, այլ որպես մեր բիզնեսի և երկարաժամկետ ռազմավարության կարևոր բաղադրիչ», - նշել է Ucom-ի գլխավոր տնօրեն Ռալֆ Յիրիկյանը։
Ծրագրի շրջանակներում գնահատվելու են ընկերության գործունեության արդյունքում առաջացող արտանետումները և մշակվելու են դրանց նվազեցման հստակ ուղիներ։ Գնահատվելու են գործունեության բոլոր հիմնական ուղղությունները՝ էներգիայի սպառում, տրանսպորտ, թափոններ և գնումներ, ջերմոցային գազերի արտանետումներ: Այնուհետև կմշակվի ածխածնային հետքի կրճատման հստակ ճանապարհային քարտեզ՝ կարճաժամկետ և միջնաժամկետ նպատակներով, կներդրվեն մշտադիտարկման մեխանիզմներ՝ արդյունքների շարունակական գնահատման համար, կապահովվի թափանցիկ և հաշվետու հաղորդակցություն՝ հանրության և գործընկերների հետ։
«Այս նախաձեռնությունը կարևոր քայլ է, որին, կարծում եմ, պետք է հետևեն Հայաստանի բոլոր ընկերությունները։ Բնապահպանական կայունությունը ցանկացած բիզնեսի երկարաժամկետ զարգացման առանցքային պայմաններից է, և ուրախ եմ, որ արդեն տարիներ շարունակ Ucom-ի հետ միասին անցնում ենք այս ճանապարհը», - նշել է «Արևորդի» ՀԿ տնօրեն Ս. Քալանթարյանը։
Հայաստանի համար այս գործընթացը ստանում է լրացուցիչ կարևորություն՝ հաշվի առնելով, որ երկիրը կհյուրընկալի ՄԱԿ-ի Կենսաբազմազանության մասին կոնվենցիայի կողմերի 17-րդ համաժողովը (COP17)։ Սա հնարավորություն է ոչ միայն ցուցադրելու Հայաստանի բացառիկ կենսաբազամազանությունն ու մշակույթը, այլև այն, որ Հայաստանում բիզնեսը ևս պատրաստ է ուրվագծել կայուն ապագայի ճանապարհը։
Ucom-ը շարունակելու է զարգացնել իր բնապահպանական նախաձեռնությունները՝ համադրելով տեխնոլոգիական առաջընթացը և պատասխանատու բիզնեսի սկզբունքները։
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Հանրային ակտիվության հետևանքը. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...
Բեյջի թելերից ավելի ուշագրով գնումներ էլ են եղել