Չափանիշներն ու որոշումները կայացվում են համատեղ. «Ժողովուրդ»

«Ժողովուրդ» օրաթերթը գրում է. «Առողջապահության ազգային ինստիտուտ-ը շարունակում է առանցքային դեր ունենալ առողջապահության համակարգի քաղաքականությունների մշակման և կիրառման գործընթացում՝ կենտրոնացնելով կարևոր որոշումների ընդունման լծակներ։

Ինստիտուտի գործունեության հիմնական ուղղությունները ներառում են բժշկական կլինիկական ուղեցույցների և չափորոշիչների մշակում, դրանց ներդրման և վերահսկման մեխանիզմների ձևավորում, ինչպես նաև համակարգի արդյունավետության գնահատման նպատակով տվյալների հավաքագրում և ազգային զեկույցների պատրաստում։ Բացի այդ, կառույցը պատասխանատու է նաև առողջապահական կադրային ներուժի վերաբերյալ տվյալների բազայի ձևավորման համար։