Արևը կդառնա էլեկտրաէներգիայի գլխավոր աղբյուրն աշխարհում մինչև 2032 թվականը
Վերջին տասնամյակում համաշխարհային էներգետիկ շուկան բախվել է լուրջ ցնցումների՝ համավարակից մինչև ռազմական հակամարտություններ։ Այս իրադարձությունները վեր հանեցին գոյություն ունեցող համակարգերի խոցելիությունը և ստիպեցին պետություններին մտածել էներգետիկ անվտանգության ամրապնդման ու հանածո վառելիքի ներկրումից կախվածությունը նվազեցնելու մասին։ BloombergNEF-ի (BNEF) նոր զեկույցի համաձայն՝ գլոբալ ճգնաժամերը կարող են արագացնել էներգետիկ անցումը։ Կանխատեսվում է, որ մինչև 2032 թվականը արևային էներգիան կդառնա էլեկտրաէներգիայի խոշորագույն աղբյուրն աշխարհում։ Սա հնարավոր կդառնա տեխնոլոգիաների էժանացման, առաջընթացի և արտադրական հզորությունների ավելցուկի շնորհիվ։
Դրան զուգահեռ, մինչև 2035 թվականը էներգիայի կուտակման համակարգերի գլոբալ հզորությունը կաճի 17 անգամ՝ հասնելով 3,8 ՏՎ-ի։ Էլեկտրաէներգիայի պահանջարկը կայուն կերպով կաճի. մինչև 2035 թվականը՝ 29%-ով, իսկ մինչև 2050 թվականը՝ 69%-ով։ Այս աճը պայմանավորված է բնակչության թվի և եկամուտների ավելացմամբ, տրանսպորտի ու արդյունաբերության էլեկտրականացմամբ, ինչպես նաև թվային ենթակառուցվածքների, հատկապես՝ տվյալների մշակման կենտրոնների (տեղեկատվական հանգույցների) կտրուկ ընդլայնմամբ։ Այդուհանդերձ, անցումը դեպի էլեկտրաէներգիա տեղի կունենա անհամաչափ։
Չինաստանում էլեկտրականությունն առաջատար էներգակիր է դարձել դեռևս 2023 թվականին, Հնդկաստանն այս հանգրվանին կհասնի 2041-ին, Եվրոպան՝ 2043-ին, իսկ ԱՄՆ-ն՝ միայն 2040-ականների վերջին։ Բոլոր տարածաշրջաններում ածուխը աստիճանաբար կզրկվի իր դիրքերից։ Միևնույն ժամանակ, բնական գազը դեռևս կապահովի նոր պահանջարկի մոտ մեկ քառորդը։ Էներգահամակարգը դառնում է ավելի բարդ և ճկուն, ինչը կպահանջի հսկայական ներդրումներ ցանցերի և ենթակառուցվածքների մեջ։ 2025 թվականին էներգետիկ անցմանն ուղղված ներդրումները հասել են ռեկորդային 2,3 տրիլիոն դոլարի, սակայն մինչև 2050 թվականը արտանետումների զրոյական մակարդակի հասնելու համար կպահանջվի ևս 235 տրիլիոն դոլար։
Չնայած այս միջոցներին, «ապագայի էժան էներգատեխնոլոգիան» դեռ չի հայտնվել. նոր միջուկային, երկրաջերմային և մարտկոցային լուծումները դեռևս չեն ապացուցել իրենց արդյունավետությունը բավարար մասշտաբով։
Հայաստանում արևային պանելներ արտադրող առաջին և միակ ընկերությունը Սոլարոնն է։
Տեղադրե՛ք SolarOn արևային կայան և զրոյացրեք էլեկտրաէներգիայի ծախսը։
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Հանրային ակտիվության հետևանքը. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...
Բեյջի թելերից ավելի ուշագրով գնումներ էլ են եղել