Արևային վահանակները կարող են անձրև առաջացնել. կլիմայական մոդելը ցույց է տվել խոշոր արևային ֆերմաների ազդեցությունը
Հոհենհայմի համալսարանի կլիմայագետ Օլիվեր Բրենչի նոր ուսումնասիրությունը ցույց է տվել, որ Արաբական Միացյալ Էմիրությունների խոշոր արևային ֆերմաները կարող են տեղումներ առաջացնել։ Այն կլիմայում, որտեղ ջուրը քիչ է, այդ հայտնագործությունը կարող է հեղափոխական լինել, գրում է ixbt.com–ը։
Մոդելավորումը ցույց է տվել, որ մուգ արևային վահանակները, որոնք կլանում են արևի լույսի մինչև 95%-ը, ավելի շատ են տաքանում, քան դրանց շրջապատող անդրադարձնող անապատային ավազը։ Հենց այդ ջերմաստիճանային տարբերությունն է ստեղծում վերելքներ, որոնք նպաստում են ամպերի և անձրևի առաջացմանը։ Դրա համար անհրաժեշտ է մթնոլորտային խոնավության աղբյուր, և մոդելի համաձայն Պարսից ծոցից եկող խոնավ քամիները կարող են ապահովել անձրև։
20 քառակուսի կիլոմետր մակերեսով արևային ֆերման կարող է բարենպաստ պայմաններում տեղումները մեծացնել գրեթե 600,000 խորանարդ մետրով, ինչը համարժեք է 1 սմ անձրևի մոտավորապես 60 քառակուսի կիլոմետր տարածքի վրա։ Եթե այդ անձրևը տեղի ունենա ամռանը 10 անգամ, ապա դա կապահովեր ավելի քան 30,000 մարդու ջրով մեկ տարվա ընթացքում։
Այնուամենայնիվ, կան սահմանափակումներ. մոդելում օգտագործվել են ավելի մուգ վահանակներ, քան ժամանակակից արտադրողների կողմից արտադրվողները։ Որոշ ժամանակակից վահանակներ միտումնավոր նախագծված են անդրադարձնող լինելու համար՝ շրջապատող միջավայրը սառեցնելու համար, ինչը նվազեցնում է անձրևի հավանականությունը։ Լունդի համալսարանի կլիմայի գիտնական Զենգյաո Լուն այս ուսումնասիրությունը անվանել է «շատ ոգեշնչող», բայց նշել է այդ խնդիրը։
Բրանչը հույս ունի, որ գաղափարը կփորձարկվի իրական պայմաններում։ Նա նաև առաջարկել է վահանակների շարքերի միջև տնկել երաշադիմացկուն մշակաբույսեր, ինչպիսիք են ջոջոբան, ազդեցությունը ուժեղացնելու համար։ Չինաստանում արդեն իսկ ստեղծվել են նման պահանջվող չափի արևային էլեկտրակայաններ։
Չնայած այս խոստումնալից հեռանկարներին ԱՄԷ-ն շարունակում է ակտիվորեն իրականացնել իր անձրև առաջացնող ծրագիրը՝ տարեկան իրականացնելով մոտ 300 առաքելություն։
Հետազոտողների կարծիքով, այս մոդելը կարող է կիրառելի լինել նաև այլ չորային շրջաններում, ինչպիսիք են Նամիբիան և Մեքսիկայի Բախա Կալիֆոռնիա թերակղզին։ Եթե հետագա հետազոտությունները հաստատեն այս արդյունքները, արևային ֆերմաների անձրև առաջացնելու ներուժը կարող է լրացուցիչ խթան հանդիսանալ վերականգնվող էներգիայի զարգացման համար աշխարհի չորային շրջաններում։
Հայաստանում արևային պանելներ արտադրող առաջին և միակ ընկերությունը Սոլարոնն է։
Տեղադրե՛ք SolarOn արևային կայան և զրոյացրեք էլեկտրաէներգիայի ծախսը։
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Հանրային ակտիվության հետևանքը. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...
Բեյջի թելերից ավելի ուշագրով գնումներ էլ են եղել