ՔՊ-ական թեկնածուի ընտանիքին պատկանող ընկերությունը 226 մլն դրամի մաքսատուրքի արտոնություն կստանա

Կառավարության քննարկմանն է ներկայացվել նախագիծ, որով նախատեսվում է «ՋԵՐՄՈՒԿ ԳՐՈՒՊ» ՓԲԸ-ին տրամադրել ներմուծման մաքսատուրքից ազատման արտոնություն։

Նախագծի համաձայն՝ ընկերությունը Վայոց ձորի մարզում նախատեսում է իրականացնել շուրջ 3.4 մլրդ դրամի ներդրում՝ պոլիէթիլային ջերմակցման թաղանթի արտադրության համար անհրաժեշտ հումքի ձեռքբերման նպատակով։ Ներմուծվող ապրանքների ընդհանուր արժեքը կազմում է 3.4 մլրդ դրամ, իսկ մաքսատուրքից ազատման արտոնությունը գնահատվում է շուրջ 226 մլն դրամ։

Ներդրումային ծրագրի շրջանակում մինչև 2027 թվականը նախատեսվում է աշխատատեղերի թիվը հասցնել 564-ի, իսկ միջին աշխատավարձը՝ 260 հազար դրամի։

Հիշեցնենք, որ «ՋԵՐՄՈՒԿ ԳՐՈՒՊ» ՓԲԸ-ն պատկանում է Վայոց ձորի մարզպետ, ՔՊ պատգամավորի թեկնածու Վահագն Արսենյանի ընտանիքին։