Հայկական լոլիկը կարտահանվի Եվրոպա
Ակբա Լիզինգի աջակցությամբ «Պրոմ Գրուպ» ընկերությունը ձեռք է բերել Volvo մակնիշի 20 նորագույն բեռնատարներ, որոնց միջոցով արդեն այս տարվա հուլիսին հայկական բարձրորակ լոլիկը կարտահանվի Եվրոպա:
«Պրոմ Գրուպ» ընկերությունն արտահանումը կիրականացնի սեփական տնտեսությունից. Արագածոտնի մարզի Նոր Եդեսիա գյուղում ընկերությունն Ակբա բանկի աջակցությամբ հիմնել է 5-րդ սերնդի 10 հեկտար տարածքով ջերմոցային համալիր, որը տարածաշրջանում եզակի է արհեստական բանականության բարձր հագեցվածության շնորհիվ։ Ջերմոցում նախատեսվում է ստանալ օրական 25-30 տոննա պրեմիում որակի լոլիկի բերք, որն անմիջապես արտահանվելու է:
«Որպեսզի հայկական բարձրորակ լոլիկը կարողանանք հասցնել եվրոպացի սպառողին, Ակբա Լիզինգի աջակցությամբ ձեռք բերեցինք Volvo մակնիշի նորագույն բեռնատարներ, որոնց միջոցով մեր ջերմոցի բարձրորակ լոլիկը կարտահանվի Եվրոպա: Քանի որ կար արտահանման անհրաժեշտություն, որոշեցինք ստեղծել սեփական լոգիստիկ հնարավորությունները»,- նշում է «Պրոմ Գրուպի» հիմնադիր տնօրեն Հայկ Հունանյանը:
Ձեռք բերված բեռնատարները լիովին համապատասխանում են եվրոպական բարձր ստանդարտներին և ի վիճակի են տեղափոխել մինչև 22 տոննա բեռ՝ ճանապարհին ապահովելով դրանց անթերի պահպանումը: Մեքենաները հագեցած են տեխնիկական լավագույն լուծումներով։ Բեռնատարները ձեռք բերելիս հատուկ ուշադրություն է դարձվել վարորդի հարմարավետությանը։
«Ակբա Լիզինգն ավելի քան 6 տարի համագործակցում է «Պրոմ Գրուպ» ընկերության հետ: Այս համագործակցության շրջանակում ընկերությանը տրամադրվել է շինարարական տեխնիկայի և սարքավորումների լիզինգ։ Այժմ էլ «Պրոմ Գրուպը» համալրվել է վերջին սերնդի 20 բեռնատարներով, որոնք էականորեն կխթանեն հայկական արտադրանքի արտահանումը»,- նշել է Ակբա Լիզինգի մատակարարների հետ համագործակցության բաժնի ղեկավար Վահագն Շմավոնյանը։
«Պրոմ Գրուպն» այժմ իրականացնում է հողային աշխատանքներ՝ ևս մեկ 10 հեկտար մակերեսով լոլիկի ջերմոցային համալիրի կառուցման համար: Ընդլայնվող ծավալներին զուգահեռ՝ ընկերությունը նախատեսում է մոտ ապագայում ավտոպարկը համալրել ևս 30 նոր բեռնատարներով։
Մանրամասն՝ տեսանյութում։
Ակբա Լիզինգի 100% բաժնետերը Ակբա բանկն է։
Ակբա Լիզինգը վերահսկվում է ՀՀ ԿԲ կողմից։
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Ucom-ը FPWC-ի հետ կմասնակցի COP17-ին՝ ներկայացնելով բնապահպանական համագործակցությունը
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Հանրային ակտիվության հետևանքը. «Փաստ»
Բեյջի թելերից ավելի ուշագրով գնումներ էլ են եղել
Խոշոր վթար՝ Սևան-Երևան ճանապարհին․ ամուսիններն ու նրանց երեխաները տեղափոխվել են հիվանդանոց