Ինչո՞ւ է իշխանությունն ինքն իրեն դնում զավեշտալի վիճակում. «Փաստ»
«Փաստ» օրաթերթը գրում է.
Վերջին շրջանում հանրության սևեռուն ուշադրությանն արժանացած իրադարձություններից մեկն, ինչ խոսք, ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանի նկատմամբ նոր քրեական վարույթ նախաձեռնելու փաշինյանական իրավապահների «նախաձեռնությունն» էր: Իսկ ի՞նչ կա դրա տակ: Հարցը կարող է հռետորական թվալ՝ հաշվի առնելով, որ վերջին ութ տարվա ընթացքում ընդդիմադիրների նկատմամբ գործեր «կարելու» պակաս չենք ունեցել, իսկ այդ գործերի «տակ» երբեք էլ ոչինչ չի եղել, այսինքն՝ բացառապես քաղաքական դրդապատճառներով սարքվել են:
Այդուամենայնիվ, հետաքրքիր է, թե այս անգամ ինչի մասին է խոսքը: Պարզվում է՝ «գործը» կառավարության 22 տարվա վաղեմության մի որոշման մասին է: Դրա հետ կապված՝ այդ ժամանակ նախագահ Ռոբերտ Քոչարյանին մեղսագրվող բուն «հանցավոր» արարքն էլ, պարզվում է, այն է, որ... վավերացրել է կառավարության այդ որոշումը: Վերջ: Հա, դա իսկապես էլ «վերջն է», բայց... խոսակցական առումով: Ո՞րն է խնդիրը: Իսկ խնդիրն այն է, որ փաշինյանական իշխանությունն ամեն գնով ինչ-որ բան գտնելու ճանապարհին պարզապես ինքն իրեն դրել է զավեշտալի վիճակում:
Նախ՝ նշված «գործով» վաղեմության բոլոր ժամկետները վաղուց անցել են: Երկրորդ՝ տվյալ ժամանակաշրջանում գործող Սահմանադրության և օրենքների համաձայն, ՀՀ նախագահը ուղղակիորեն պետք է վավերացներ կառավարության ընդունած որոշումները: Դա նախագահի սահմանադրական պարտականություններից մեկն էր:
Է՜հ, կառավարությունը որոշել է, նախագահն էլ՝ վավերացրել: Այն ժամանակվա օրենքներով, կառավարության որոշումների վրա վետո դնելու իրավասություն նախագահը չի ունեցել: Այսինքն, նա չի կարող պատասխանատվության ենթարկվել նրա համար, որ... իրականացրել է Սահմանադրությամբ իրեն վերապահված պարտականությունները:
Մի խոսքով, իշխանությունները նորից հերթական «գործն» են բացում, որն էլի քարուքանդ եղած է ի սկզբանե: «Գործ», որից ոչ թե իրավաբանականի առաջին կուրսի ուսանողը, ոչ թե նույնիսկ իրավաբանականի դիմորդը, այլ տրամաբանող ցանկացած մարդ հաշված րոպեների ընթացքում քարը քարի վրա չի թողնի:
Իսկ թե ինչու են նորից այս ամբողջ շոուն սարքել, արդեն առանձին խոսակցության թեմա է...
Մանրամասները՝ «Փաստ» օրաթերթի այսօրվա համարում
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն