ԱրարատԲանկի ՓՄՁ վարկային պորտֆելը 2025-ին աճ է գրանցել
ԱրարատԲանկը շարունակում է օգտագործել միջազգային եւ նորագույն լավագույն տեխնոլոգիաները՝ մրցունակ վարկային պրոդուկտներ առաջարկելով ՓՄՁ հաճախորդներին և նպաստելով Հայաստանի տնտեսության զարգացմանը։
Հունիսի 27-ը միկրո, փոքր և միջին ձեռնարկությունների օրն էր, որը ևս մեկ առիթ է անդրադառնալու մեր երկրի տնտեսության կառուցմանն ու բիզնեսների բարեկեցությանն ուղղված ոլորտի զարգացման արդյունքներին։
Իր ռազմավարությանը համահունչ՝ ԱրարատԲանկը շարունակում է ուշադրության կենտրոնում պահել ՓՄՁ վարկավորումը։ Մասնավորապես, 2025թ․-ին ԱրարատԲանկը ՓՄՁ ոլորտի ֆինանսավորմանն ուղղել է 11.6 մլրդ ՀՀ դրամ, որից կին տնտեսվարողներին տրամադրվել է 3,6 մլրդ ՀՀ դրամի չափով (2025-ին ՓՄՁ ոլորտին տրամադրված վարկերի 31%-ը), իսկ երիտասարդ տնտեսվարողներին՝ ավելի քան 1,4 մլրդ ՀՀ դրամի չափով վարկեր։
Հաճախորդներին մրցունակ պրոդուկտներ առաջարկելու քաղաքականության արդյունքում աճել է ՓՄՁ վարկերի պորտֆելը։
ՓՄՁ վարկային պորտֆելի ծավալը 2025-ին կազմել է 27.5 մլրդ ՀՀ դրամ՝ նախորդ տարվա համեմատ ապահովելով լրացուցիչ 4.2% աճ։
«Մենք աշխատում ենք մեր հաճախորդներին առաջարկել մրցունակ, ճկուն և նրանց բիզնեսի կարիքներին համապատասխան վարկային պրոդուկտներ։ Կարևորում ենք նաև հաճախորդին անհատական մոտեցում ցուցաբերելը, նրա յուրահատուկ կարիքներին և հուզող հարցերին համապատասխան լուծումներ առաջարկելն ու հետադարձ կապը։ Այս ամենի արդյունքում արձանագրել ենք ՓՄՁ վարկային պորտֆելի աճ։ Դա վկայում է մեր հաճախորդների վստահության և բանկի կողմից առաջարկվող լուծումների արդյունավետության մասին։ Այս համատեքստում Բանկը 2025թ.-ի նոյեմբերին գործարկեց նոր ակցիա, որի նպատակը հաճախորդներին առավել մատչելի ֆինանսական ռեսուրսների տրամադրումն էր՝ բիզնեսի զարգացման, ընդլայնման, ինչպես նաև այլ ֆինանսական կառույցներում գործող վարկային պարտավորությունների խմբավորման նպատակով»,- նշել է ԱրարատԲանկի ՓՄՁ վարկավորման բաժնի ղեկավար Արամ Բաղդասարյանը։
ԱրարատԲանկը, որպես ՓՄՁ ոլորտի վստահելի գործընկեր, շարունակելու է համալրել իր պրոդուկտները՝ ստեղծելով զարգացման նոր հնարավորություններ և նպաստելով կայուն տնտեսությանը։
ԱրարատԲանկը վերահսկվում է ՀՀ կենտրոնական բանկի կողմից:
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
ԶՊՄԿ-ում աշխատելը՝ կայունության, զարգացման և նոր հնարավորությունների մասին
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»