«Ժողովուրդ». ՔՊ-ում Ռուբինյանի շուրջ կոնսենսուս է ձևավորվել․ իշխանությունը վերաձևավորում է ԱԺ ղեկավարությունը
«Ժողովուրդ» օրաթերթը գրում է. «Իշխանական կուլիսներում վերջին 5 օրերին ամենաքննարկվող թեմաներից մեկը Ազգային ժողովի նախագահի պաշտոնում ՔՊ վարչության կողմից «դաբրո» ստացած Ռուբեն Ռուբինյանի թեկնածության հարցն է։
Իշխանական շրջանակներից «Ժողովուրդ» օրաթերթի ստացած տեղեկությունների համաձայն՝ «Քաղաքացիական պայմանագիր» խմբակցությունում ընդհանուր առմամբ դրական են գնահատում վերջին ներքին վերադասավորումները և վարչության ընտրությունների արդյունքները։ Սակայն ամենամեծ հետաքրքրությունը կենտրոնացած է հենց Ռուբեն Ռուբինյանի շուրջ ձևավորված կոնսենսուսի վրա։
Խմբակցության ներկայացուցիչները, ոչ պաշտոնական զրույցներում, նշում են, որ Ռուբինյանը պատգամավորների հետ մշտապես պահպանել է աշխատանքային և մարդկային կապը, եղել է հասանելի ու բարեհաճ, իսկ որպես ԱԺ փոխնախագահ՝ կարողացել է պահպանել ներքին հավասարակշռությունը նույնիսկ ամենաթեժ քաղաքական փուլերում։
Սակայն քննարկումների առանցքում միայն ներքին հարաբերությունները չեն։ Իշխանական շրջանակներում շրջանառվող գնահատականների համաձայն՝ Ռուբինյանի կարևոր առավելություններից մեկը նրա միջազգային կապերն են։ Խոսքը ոչ միայն եվրոպական քաղաքական հարթակներում ձևավորված հարաբերությունների մասին է, այլ նաև այն հանգամանքի, որ նա, ըստ իշխանական պատգամավորների, ընդունելի է նաև ռուսական քաղաքական շրջանակների համար։
Այս համատեքստում անխուսափելի են դառնում համեմատությունները գործող ԱԺ նախագահ Ալեն Սիմոնյանի հետ։
Իշխանության ներսում կարծիքներ են հնչում, թե ռուսական պաշտոնական շրջանակներում Սիմոնյանի նկատմամբ վերաբերմունքը երբեք միանշանակ դրական չի եղել, մինչդեռ Ռուբինյանը կարող է հանդես գալ որպես ավելի կոմունիկատիվ և տարբեր կենտրոնների համար ընդունելի քաղաքական դեմք։
Միևնույն ժամանակ, իշխանությունը, կարծես, փորձում է վերաձևավորել նաև խորհրդարանական «պաշտպանական գիծը»։ ԱԺ փոխնախագահների թեկնածուների՝ Վահագն Ալեքսանյանի և Հայկ Կոնջորյանի ընտրությունը ևս բուռն քննարկվում է խմբակցությունում։
ՔՊ-ում նրանց դիտարկում են որպես այն գործիչների, որոնք պետք է ստանձնեն ընդդիմության հետ ամենասուր բախումների առաջնագիծը և դառնան իշխանության քաղաքական հակագրոհների հիմնական խոսնակները։ Դա է եղել նաև պատճառը, որ ՔՊ կանանց՝ Ալխաս Ղազարյանին կամ Արուսյակ Ջուլհակյանին, թիմը չի ընտրել։ Ավելին, նշվում է, որ Ջուլհակյանին նոր են հանձնաժողովի նախագահ ընտրել, թող իր գործն անի՝ պատվով։
Այս ամենը թույլ է տալիս ենթադրել, որ խորհրդարանի ղեկավար կազմում սպասվող փոփոխությունները պարզապես կադրային վերադասավորումներ չեն լինելու։ Դրանք կարող են արտացոլել իշխանության նոր քաղաքական հաշվարկները՝ արտաքին հարաբերություններում ավելի ճկունություն ցուցաբերելու, իսկ ներքին քաղաքական դաշտում՝ առավել կոշտ ու համակարգված պաշտպանական մեխանիզմներ ձևավորելու նպատակով»։
Առավել մանրամասն թերթի այսօրվա համարում
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Բեյջի թելերից ավելի ուշագրով գնումներ էլ են եղել
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Ucom-ը FPWC-ի հետ կմասնակցի COP17-ին՝ ներկայացնելով բնապահպանական համագործակցությունը
Հանրային ակտիվության հետևանքը. «Փաստ»
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Խոշոր վթար՝ Սևան-Երևան ճանապարհին․ ամուսիններն ու նրանց երեխաները տեղափոխվել են հիվանդանոց