«Ժողովուրդ». Ստուգումներ են սկսվել «Գազպրոմ Արմենիա» ընկերությունում
«Ժողովուրդ» օրաթերթը գրում է. «Ռուսական կողմից արդեն շուրջ երկու ամիս շարունակվող տնտեսական ճնշումների և սահմանափակումների ֆոնին շարունակում է օրակարգային մնալ Հայաստան մատակարարվող բնական գազի հարցը։ Առավել ևս այն բանից հետո, երբ ռուսական կողմից հնչեցին զգուշացումներ, որ որոշակի զարգացումների պարագայում չի բացառվում նույնիսկ Հայաստան գազամատակարարման ամբողջական դադարեցումը։
Երեկ ԵՄ Եվրահանձնաժողովի նախագահ Ուրսուլա ֆոն դեր Լայենի հետ հանդիպման ժամանակ Նիկոլ Փաշինյանը հայտարարեց, որ. «Ապաշրջափակման համատեքստում, տրանսպորտային կապակցվածության խթանմանը զուգահեռ, կարևորում եմ նաև էներգետիկ կապակցվածության ընդլայնումը, այդ թվում՝ հարևան Թուրքիայի և Ադրբեջանի հետ էլեկտրահաղորդման գծերի և կապակցիչների կառուցումը, ինչը կարող է նպաստել ինչպես էներգետիկ անվտանգությանը, այնպես էլ կանաչ անցմանը»։
Ահա այս լարված իրավիճակում «Ժողովուրդ» օրաթերթը տեղեկացավ, որ ՀՀ կառավարությունը որոշել է ստուգումներ սկսել «Գազպրոմ Արմենիա» ՓԲԸ-ում։ Մասնավորապես, ընկերությունում մոնիթորինգ է իրականացնում Հայաստանի Հանրապետության հանրային ծառայությունները կարգավորող հանձնաժողովը (ՀԾԿՀ)։
«Ժողովուրդ» օրաթերթը դիմեց ՀԾԿՀ՝ պարզելու, թե ինչ նպատակ են հետապնդում իրականացվող ստուգումները, արդյոք դրանք որևէ առնչություն ունեն ստեղծված իրավիճակի հետ, և ինչ փուլում են գտնվում աշխատանքները։
Ի պատասխան «Ժողովուրդ» օրաթերթի հարցման՝ ՀԾԿՀ-ից հայտնեցին. «Սույն թվականի հունիսի 19-ից մինչև հուլիսի 2-ն ընկած ժամանակահատվածում ՀԾԿՀ աշխատանքային խմբերը «Գազպրոմ Արմենիա» ՓԲԸ-ի տարբեր մասնաճյուղերում իրականացնում են ՀԾԿՀ-ի աշխատանքային ծրագրով հաստատված տարեկան մոնիթորինգ՝ գազի ներտնային անվտանգության համակարգերի սպասարկման որակի վերաբերյալ»։
Այսպիսով, ՀԾԿՀ-ում ընդգծում են, որ իրականացվող աշխատանքները ծրագրային տարեկան մոնիթորինգ են և վերաբերում են գազի ներտնային անվտանգության համակարգերի սպասարկման որակի գնահատմանը։ Այդուհանդերձ, ստուգումների անցկացումը հենց այն ժամանակահատվածում, երբ ռուս-հայկական հարաբերություններում տնտեսական լարվածությունը շարունակում է խորանալ, իսկ գազամատակարարման շուրջ հնչում են մտահոգիչ հայտարարություններ, խիստ ուշագրավ է»։
Առավել մանրամասն թերթի այսօրվա համարում
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Բեյջի թելերից ավելի ուշագրով գնումներ էլ են եղել
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Ucom-ը FPWC-ի հետ կմասնակցի COP17-ին՝ ներկայացնելով բնապահպանական համագործակցությունը
Հանրային ակտիվության հետևանքը. «Փաստ»
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Խոշոր վթար՝ Սևան-Երևան ճանապարհին․ ամուսիններն ու նրանց երեխաները տեղափոխվել են հիվանդանոց