Լավ է ուշ, քան երբեք. ընդունելության ժամկետը երկարաձգվել է. «Փաստ»
«Փաստ» օրաթերթը գրում է.
Օրեր առաջ մենք տեղեկացրել էինք, որ Վալերի Բրյուսովի անվան պետական համալսարանը 2026-2027 ուսումնական տարվա առկա ուսուցմամբ մագիստրատուրայի ընդունելության հայտարարությունն իր կայքէջում և սոցիալական էջում տեղադրել է հունիսի 18-ին, այնինչ հայտարարության մեջ գրված է, որ «անվճար տեղերի համար դիմումներն ընդունվում են հունիսի 5-ից հունիսի 20ը»: Այսինքն, դեռ հայտարարությունը չհրապարակած՝ Բրյուսովի համալսարանում, փաստորեն, անվճար տեղերի համար մրցույթի դիմումները վաղուց ընդունել են, իսկ հայտարարությունը հրապարակել են ժամկետի ավարտից ընդամենը երկու օր առաջ:
Այս թեմայի հետ կապված «Փաստը» գրություն է ուղարկել ԿԳՄՍ նախարարություն: Բարձրագույն կրթության և գիտության կոմիտեից ստացել ենք երկար պատասխան, որտեղ մանրամասն ներկայացված է մագիստրատուրայի ընդունելության կարգը, մեջբերված են համապատասխան նորմատիվ ակտերը և այլն, սակայն տրված չէ մեր հիմնական հարցի պատասխանը՝ ինչո՞ւ են Բրյուսովի համալսարանում հայտարարությունը հրապարակել դիմումների ընդունման մեկնարկից 13 օր անց և վերջնաժամկետից երկու օր առաջ: Ի դեպ, նշենք, որ պատասխանն ստացել ենք հունիսի 29ին, իսկ նույն օրը Բրյուսովի անվան համալսարանն իր պաշտոնական էջերում տեղադրել է հայտարարություն այն մասին, որ «Վ. Բրյուսովի անվան պետական համալսարանը 2026-2027 ուսումնական տարվա մագիստրատուրայի անվճար ուսուցմամբ ընդունելության դիմում-հայտերի ընդունման ժամկետը երկարաձգում է մինչև սույն թվականի հուլիսի 7-ը ներառյալ»: Չնայած մինչ այդ՝ մեր՝ ԿԳՄՍՆ հարցում ուղարկելու հաջորդ օրը՝ հունիսի 23-ին, հայտարարություն էին տարածել հետևյալ բովանդակությամբ. «Վ. Բրյուսովի անվան պետական համալսարանը 2026 թ. հունիսի 5-ից մինչև հունիսի 20-ը ներառյալ կազմակերպել և իրականացրել է ՀՀ կառավարության կողմից ուսանողական նպաստի ձևով ուսման վարձի լրիվ փոխհատուցմամբ (անվճար) տեղերի համար մագիստրատուրայի ընդունելության դիմումների ընդունման գործընթացը: Սահմանված ժամանակահատվածում Վ. Բրյուսովի անվան պետական համալսարան է ներկայացվել 151 դիմում-հայտ (նախորդ տարվա համեմատ 38-ով ավելի): Մրցույթն իրականացվում է դիմորդների միջին որակական գնահատականի (ՄՈԳ) հիման վրա՝ ապահովելով հավասար և թափանցիկ մրցակցային պայմաններ»:
Թե որքանով էին միմյանց հետ կապված մեր հրապարակումը, հարցումը, համալսարանի հայտարարությունն ու ապա և ժամկետի երկարաձգումը, առաջնային չենք համարում: Կարևորը հարցը լուծվել է: Ինչպես ասում են, լավ է ուշ, քան երբեք:
Մանրամասները՝ «Փաստ» օրաթերթի այսօրվա համարում
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Հանրային ակտիվության հետևանքը. «Փաստ»
Բեյջի թելերից ավելի ուշագրով գնումներ էլ են եղել
Վարդան Ջհանյան․ Հայաստանի հանքարդյունաբերության նկատմամբ միջազգային հետաքրքրությունն աճում է