Աշխատանքից ազատվել է Նիկոլ Փաշինյանի հետ վիճած բժշկուհին

Նիկոլ Փաշինյանի հետ քարոզարշավի ընթացքում վեճի մեջ մտած բժշկուհի Արփինե Սողոյանն ազատվել է աշխատանքից։ Այս մասին տեղեկացրել է նրա դուստրը՝ Տաթևիկ Սողոյանը։

Տաթևիկ Սողոյանն նշել է, որ մայրիկի աշխատանքից ազատվելը տեղի է ունեցել հաստիքի կրճատման հիմքով՝ 21 տարվա անբասիր աշխատանքի ավարտին։ Նա նաև ընդգծել է, որ պաշտոնական բացատրությունը՝ բյուջեի սղության մասին, անհամապատասխան է համայնքի ծախսերին։

ՍիվիլՆեթը դիմել է Երևանի քաղաքապետարան՝ խնդրելով մեկնաբանություն այս դեպքի վերաբերյալ։

Արփինե Սողոյանը 44-օրյա պատերազմի ժամանակ անհետ կորած Հրանտ Պապիկյանի քույրն է։ Մայիսի 18-ին Արաբկիր վարչական շրջանում տեղի ունեցած քարոզարշավի ժամանակ նա մեղադրել էր Նիկոլ Փաշինյանին հայրենիքի գողության և հազարավոր զոհերի պատասխանատվության մեջ։

Դեպքի ժամանակ Փաշինյանն արձագանքել է կոշտ արտահայտություններով, որոնցում հիշատակում էր նաև նախկին նախագահներ Ռոբերտ Քոչարյանին, Սերժ Սարգսյանին և Գագիկ Ծառուկյանին որպես «լակոտներ»։

Դեպքից հետո տեղեկություններ տարածվեցին, որ բժշկուհուն աշխատանքից ազատելու հնարավորություն կա։ Երևանի քաղաքապետ Տիգրան Ավինյանը հաստատեց, որ քաղաքական հայացքների համար աշխատանքից ազատում չի իրականացվի։

Այս թեմայով Արմավիրի մարզում Երևան-Արմավիր ճանապարհին տեղի է ունեցել ավտովթար Երևանում և հանրապետությունում հուլիսի կեսին սպասվում է առանց տեղումների եղանակ և քամու ուժգնացում