Արարատում Ucom-ի սպասարկման կենտրոնը վերաբացվեց Շահումյան 24/2 հասցեում

Արարատի Շահումյան 24/2 հասցեում վերաբացվեց Ucom-ի վաճառքի և սպասարկման կենտրոնը։ Նորացված և առավել հարմարավետ միջավայրը նախատեսված է բաժանորդների սպասարկումն արագ, մատչելի և որակյալ ապահովելու համար։

Վաճառքի և սպասարկման նորացված կենտրոնը ձևավորվել է որպես մեկ միասնական հարթակ, որտեղ բաժանորդը կարող է ոչ միայն միանալ ծառայություններին կամ ստանալ խորհրդատվություն, այլև տեղում ծանոթանալ Ucom-ի ամբողջական թվային էկոհամակարգին՝ ֆիքսված ինտերնետից և շարժական կապից մինչև հեռուստատեսություն, Wi-Fi լուծումներ և խելացի սարքեր։

«Ucom-ի համար կարևոր է, որ ժամանակակից կապի ծառայությունները հասանելի լինեն ոչ միայն մայրաքաղաքում, այլև Հայաստանի բոլոր մարզերում։ Մենք շատ ենք կարևորում սպասարկման կենտրոնների նորացումը՝ մեր բաժանորդներին հարմարավետ միջավայրում սպասարկելու և նրանց առօրյա փորձառությունը բարելավելու համար», - նշել է Ucom-ի գլխավոր տնօրեն Ռալֆ Յիրիկյանը։

Շահումյան 24/2-ի սպասարկման սրահում՝ հուլիսի 27-ից օգոստոսի 31-ը ներառյալ, Unity ցանկացած սակագնային փաթեթին 12 ամսով բաժանորդագրվելու դեպքում բաժանորդները կստանան այն 1 ամիս անվճար օգտագործելու հնարավորություն։ Միանալով Unity փաթեթին՝ բաժանորդն ստանում է ֆիքսված ինտերնետ, շարժական կապ և հեռուստատեսություն՝ մեկ փաթեթով և առավել մատչելի գնով։ Բացի այդ, մինչև օգոստոսի 7-ը ներառյալ, բոլոր նրանք, ովքեր կգնեն ցանկացած սմարթֆոն, կստանան Canyon ապրանքանիշի անլար ականջակալ։ 

Ucom-ը հետևողականորեն շարունակում է ներդրումներ կատարել իր սպասարկման ցանցի զարգացման և արդիականացման ուղղությամբ՝ նպատակ ունենալով բաժանորդներին ապահովել հասանելի, հարմար և որակյալ սպասարկմամբ Հայաստանի տարբեր քաղաքներում և համայնքներում։

Նշենք, որ ծառայությունների հասանելիությունը երկրի բոլոր հատվածներում ապահովելու նպատակով Ucom-ն արդեն բացել է վաճառքի և սպասարկման 74 կենտրոն, որոնցից 52-ը գործում են մարզերում, իսկ 22-ը՝ Երևանում։