Արայիկ Հարությունյանն Ասիական զարգացման բանկի հայաստանյան գրասենյակի տնօրենի հետ քննարկել է համագործակցության ծրագրերը
տության կրթության և գիտության նախարար Արայիկ Հարությունյանն աշխատանքային հանդիպում է ունեցել Ասիական զարգացման բանկի Հայաստանյան գրասենյակի տնօրեն Շեյն Ռոզենտալի հետ: Ինչպես «Արմենպրես»-ին հայտնեցին ՀՀ կրթության և գիտության նախարարությունից,հանդիպման առանցքում են եղել բանկի հետ համագործակցության ծրագրերը, մասնավորապես՝ Հայաստանի կրթության ոլորտի զարգացման նպատակային թիրախները և գործողությունների ծրագրի մշակման ուղղությունները:
ԿԳ նախարարն իր խոսքում կարևորել է բանկի հետ արդյունավետ համագործակցությունը Հայաստանում ընթացող կրթական բարեփոխումների համատեքստում: Անդրադառնալով կրթության զարգացման ռազմավարության մշակման անհրաժեշտությանը և դրա ուղղությամբ Ասիական զարգացման բանկի կողմից նախատեսվող աջակցությանը՝ ՀՀ ԿԳ նախարարն ընդգծել է, որ մեր նպատակն է մշակել կրթության համակարգի իրական պատկերը ներկայացնող և դրանից բխող զարգացման ուղիները նախանշող ռազմավարություն, որը սոսկ փաստաթուղթ չի լինելու: «Ռազմավարության մշակումը ստեղծագործական աշխատանք է և միտված չէ պարտադրված փաստաթղթի ստեղծմանը: Բուն ռազմավարությունը կգրվի այն պահին, երբ մենք կունենանք ոլորտի ամբողջական պատկերը, այդ դեպքում այն կարող է նույնիսկ շատ արագ գրվել»,-նշել է Արայիկ Հարությունյանը: Նա միաժամանակ շեշտել է, որ ԿԳ նախարարությունը շահագրգռված է փաստաթղթի հնարավորինս շուտ մշակման հարցում, քանի որ նախարարի խոսքով, նախատեսվում են նաև արմատական բարեփոխումներ ուսումնական ծրագրերի և կրթական չափորոշիչների ուղղությամբ, որոնց համար ռազմավարությունը պետք է լինի ուղենիշ:
Շեյն Ռոզենտալն իր հերթին կարևորել է ԱԶԲ և ԿԳՆ համագործակցությունը` նշելով, որ բանկը պատրաստակամ է աջակցել այն ծրագրերին, որոնք նպաստում են Հայաստանի կրթական համակարգի բարեփոխմանը:
Հանդիպման ընթացքում քննարկվել են նաև դպրոցների կառավարման արդյունավետության բարձրացման, ուսուցիչների վերապատրաստման նոր համակարգի ձևավորման գործընթացներում Ասիական զարգացման բանկի մասնակցության հետ կապված հարցեր
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը
Ռուբլին թանկացել է․ փոխարժեքն՝ այսօր