Իսկ դուք գիտեք, որ քնի խանգարումը բարձրացնում է վաղաժամ մահվան հավանականությունը

Քրոնիկ անքնությունը բարձրացնում է վաղաժամ մահվան հավանականությունը: Ինչպես գրում է iz.ru-ն՝ հղում անելով actualnews.org պորտալին, մասնագետները պարզել են, որ քնի խանգարումները հանգեցնում են սրտանոթային հիվանդությունների, ընկճախտի (դեպրեսիա), թուլամտության (դեմենցիա) և մի շարք այլ վտանգավոր հիվանդությունների զարգացման:

Հետազոտության շրջանակներում մասնագետներն ուսումնասիրել են 65 տարեկանից բարձր 9000 ամերիկացու առողջական վիճակն ու քնի ռեժիմը: Հետազոտությունը ցույց է տվել, որ հետազոտվածների 50%-ի մոտ կային խնդիրներ կապված քնի հետ: Միևնույն ժամանակ, եթե նրանց անգամ հաջողվում էր քնել և քունը բավական երկարատև էր լինում, ապա անյուամենայնիվ նրանց տանջում էր սաստիկ հոգնածության զգացումը:

Թեստերը ցույց են տվել, որ անքնության պատճառով կամավորների մոտ նկատվում էր կոգնիտիվ գործառույթների վատացում ու դեմենցիայի զարգացման հավանականության բարձրացում: Բացի այդ, քնի հետ կապված երկարատև խանգարումները հանգեցնում էին նաև սրտամկանի աշխատանքի խանգարման:

Գիտանականների խոսքով՝ անքնության զարգացման հիմնական պատճառներից մեկը սթրեսն է, որը խթանում է կորտիզոլ հորմոնի արտադրությունը՝ հանգեցնելով գրգռման ու ակտիվության: Սակայն շատ մեծ դեր են խաղում նաև ցիրկադային ռիթմերը, ուստի քնի ռեժիմին հարկավոր է պատշաճ ուշադրություն դարձնել: