Լողափային էթիկետ. 5 կարևոր կանոն, որոնք քչերն են պահպանում

Արև, ծով, լողափ՝ հանգստի խորհրդանիշներ: Իսկ էլ որտե՞ղ կարելի է հանգստանալ և դեն նետել քաղաքակրթության շղթաները: Նետեք, սակայն պետք չէ մոռանալ էթիկետի հասարակ կանոնները.

Կանոն 1. Ոչ մի սնունդ, բացի ջրից

Հիշում ե՞ք, թե ինչպես են մայրիկները լողափի համար հավաքում սննդով լի պայուսակ: Ժամանակները, սակայն, փոխվել են․ ավելի լավ է սննդով տարրաները թողեք տանը և վայելեք համեղ պաղպաղակ ու թարմեցնող կոկտեյլ լողափային սրճարաններից մեկում: Դա ավելի հաճելի է և համեղ: Բացառություն կազմում է մանկական սնունդը փոքրիկների համար: Եվ, իհարկե, ձեր հետևից երբեք աղբ մի թողեք: Հավաքեք ամեն ինչ տոպրակի մեջ և տարեք ձեր հետ ու գցեք մատակա աղբամանը:

Կանոն 2. Հագուստ լողափային բարի համար

Այստեղ գործում է հետևյալ սկզբունքը․ եթե այդտեղ կա ավազ (բար լողափում), բավական է ձեր վրա գցել պարեո: Եթե գետնի վրա չկա ավազ, նույնիսկ, եթե սրճարանը ծովափի երկայնքով է, ապա, ըստ էթիկետի կանոնների, դուք պետք է ամբողջությամբ հագնված լինեք:

Կանոն 3. Պահվածք լողափային ռեստորաններում

Տարբեր երկրներում լողափային ռեստորանները տարբեր կանոններ են թելադրում: Եթե դա եվրոպական երկիր է, արժե ուշադրություն դարձնել օրվա ժամին: Ցերեկը, օրինակ, կարելի է գնալ լողափային հագուստով, սակայն ոչ լողազգեստով և պարեոյով։ Երեկոյան արժե փոխել հագուստն ու ավելի ներկայացուցչական տեսք ստանալ: Եվ իհարկե, երբեք մի գնացեք ռեստորան թաց լողազգեստով, նույնսիկ, եթե վրայից չոր հագուստ է:

Կանոն 4. Նախաճաշ հյուրանոցում

Եթե դուք կանգ եք առել հյուրանոցում, ապա նախաճաշին հագնված եկեք: Պարեոն հագուստ չի համարվում: Խալաթով կարելի է իջնել միայն ՍՊԱ-տարածք:

Կանոն 5. Ալկոհոլային խմիչք լողափին

Շոգին ընդհանրապես չարժե օգտագործել ալկոհոլային խմիչք, ավելի նախընտրելի է մեկ բաժակ գինի վայելել արևամուտին: Իրականում, ավելի լավ է ըմպելիք պատվիրել լողափի բարում և խմել այն հովին, այլ ոչ պառկած այրող արևի տակ: