Ճապոնիայում վերջին երկու ամիսներին գրանցված թայֆունները 1,8 մլրդ դոլարի վնաս են հասցրել երկրի տնտեսությանը

Ճապոնիայում սեպտեմբեր և հոկտեմբեր ամիսներին գրանցված «Ֆաքսայ» և «Հագիբիս» թայֆունները երկրին պատճառել են շուրջ 1,8 մլրդ դոլարի վնաս: Մեծապես տուժել է ձկնաբուծությունն ու գյուղատնտեսությունը: Այս մասին հայտնում է TACC գործակալությունը` հղում անելով Kyodo-ին:

Ճապոնիայի շրջակա միջավայրի պահպանության նախարարության տվյալների համաձայն` այդ ցուցանիշը կարող է աճել, քանի որ աղետի հետևանքները վերացնելու ուղղությամբ աշխատանքները դեռ շարունակվում են:

Նշվում է, որ «Հագիբիս» թայֆունի հետևանքով տուժել է երկրի 47 շրջաններից 38-ը: 8,5 հազար վայրում խախտվել են գյուղատնտեսության ոռոգման համակարգերը: 14 հազար հա ընդհանուր մակերեսով ցանքատարածություններ են տուժել: Զգալի վնաս է հասցվել ձկնորսական նավահանգիստներին, ծովամթերքների վերամշակման գործարաններին: «Ֆաքսայ» և «Հագիբիս» թայֆունների զոհ է դարձել 90 մարդ: