Շուտով կիրականանա բազմաթիվ ստեփանակերտցիների երկար տարիների երազանքը. Արայիկ Հարությունյան /տեսանյութ/

Հարգելի ՛ հայրենակիցներ

Շուտով կիրականանա բազմաթիվ ստեփանակերտցիների երկար տարիների երազանքը՝ առաջիկա մեկ տարվա ընթացքում մայրաքաղաքից կհանվեն 110 կՎ և 35 կՎ օդային գծերը: Այսօր անձամբ եմ այցելել Ստեփանակերտի նոր՝ 110/35/10 կՎ ենթակայանի տարածք, որտեղ ակտիվ շինարարական աշխատանքներ են ընթանում:

Ի դեպ, ներդրումային ծրագրի արժեքը կազմում է ավելի քան 2 մլրդ ՀՀ դրամ, իսկ 2019-2023թթ. ընկած ժամանակահատվածում Արցախում բարձրավոլտ էլեկտրացանցի արդիականացման ուղղությամբ ընկերությունը պատրաստվում է ներդնել ընդհանուր առմամբ 17.5 մլրդ ՀՀ դրամ:

Արդյունքում Արցախի էներգետիկ համակարգը զարգացման նոր փուլ կթևակոխի՝ ունենալով ավելի որակյալ, հուսալի և անվտանգ էլեկտրամատակարարում:

Արցախի նախագահ Արայիկ Հարությունյան