Էլեկտրամոբիլների պատճառով նավթի վերամշակման անկում է կանխատեսվում
Ածխածնի արտանետումները նվազեցնելու համար ավտոմեքենաների էլեկտրաֆիկացման համաշխարհային արշավը կարող է 2050 թվականին կրկնակի չափով կրճատել նավթի վերամշակման հզորությունների պահանջարկը: Այդ մասին հայտնել է Reuters-ը՝ հղում անելով Rystad Energy խորհրդատվական ընկերության վերլուծաբանների կանխատեսմանը:
Rystad Energy-ի ավագ փոխնախագահ եւ վերամշակման բաժնի ղեկավար Մուկեշ Սախդեւը նշել է, որ մինչեւ 2050թ. էլեկտրամեքենաների մասնաբաժինը կարող է հասնել մինչեւ 90 տոկոսի: Ըստ վերլուծաբանի՝ այս սցենարը, ամենայն հավանականությամբ, կհանգեցնի վերամշակման ներկայիս հզորությունների 50 տոկոսով կրճատման:
«Էլեկտրամոբիլները կնվազեցնեն բենզինի եւ դիզելային վառելիքի համաշխարհային սպառումը, սակայն ավիացիայի, նավթաքիմիական ոլորտներում այլ նավթամթերքների պահանջարկը կարող է բարձր մնալ ուրբանիզացիայի պատճառով, ինչը խնդիրներ կստեղծի վերամշակման ոլորտի համար», - մեկնաբանել է նա:
Rysted Energy-ի վերլուծաբանները 2021 թվականի երկրորդ կեսին ակնկալում են պահանջարկի ավելացում մինչեւ օրական 80.1 մլն բարել, որը նախկինում կրճատվել էր կորոնավիրուսային համավարակի պատճառով:
2021 թվականի օգոստոսի կեսերին Չինաստանում նավթի վերամշակումը վերջին 14 ամիսների ընթացքում հասել է նվազագույն մակարդակի: Չինաստանի գործողությունները հանգեցրել են ծավալների ռեկորդային անկման, ինչը մեծացրել է ճնշումը անկախ ձեռնարկությունների վրա: Ավելի վաղ նմանատիպ անկում գրանցվել էր 2020 թվականի մայիսին՝ համավարակի ամենաթեժ պահին: Այս տարի Չինաստանի իշխանությունները բարեփոխումներ են իրականացնում նավթավերամշակման արդյունաբերության մասնավոր հատվածում` աղտոտվածությունը սահմանափակելու եւ արդյունաբերողների համար հարկային բացերը փակելու համար:
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
«Հինգ շանտաժ-նախապայմանից երեքը գրեթե կատարված են». «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Ինչո՞ւ են իշխանությունները թիրախավորել դատավորին. «Փաստ»